勝記海鮮酒家

营业中

休息中

今日到咗西贡住两晚，第一餐就食西贡最出名嘅海鲜。见到有一间叫胜记海鲜饭店，佢相比其他海鲜酒家系好偏僻，同埋见到有所为嘅米芝莲牌，就试吓睇吓系中伏定系坚好食。食完就真系伏得好紧要，海鲜只系叫咗三样。第一样，花竹虾两只，我地选择咗刺身；第二样，濑尿虾皇，我地选择清蒸；最后一样，花螺，我地选择辣酒煮。续样讲，首先讲花竹虾刺身（6两-$240，未计加工费）冇鲜甜味冇虾味，清蒸濑尿虾皇（8两-$200，未计加工费），上碟只系得只碟同只虾，没有其他伴碟（最衰忘记影相）。最后系辣酒煮花螺（12两-$180，未计加工费），花螺韧辣味似街边辣鱼旦。贵得嚟好食都好，最橙就系贵得嚟唔好食，而米芝莲嘅星，已经系2018嘅事，唔知系咪因为近几年食物质素好差而攞唔到（我估），我觉得系咪要规管一D过气嘅米芝莲餐厅，唔俾佢地挂个牌出嚟呢？到最后埋单系$1518。包括刺身费$178，辣酒螺费$118，蒸濑尿虾费$178，海鲜$620，一支酒$58，豉油皇牛肉粉米$188，茶💰$40/2位。总结，胜记系有名冇实力嘅海鲜酒家。唔食唔会后悔，食咗先系后悔。