妖怪 (已結業)

疫情关系，已经好耐冇得去日本🇯🇵喇😢 对上𠮶次去，喺筑地附近食咗间居酒屋，当中嘅刺身同埋串烧都令我念念不忘。知道妖怪嘅总厨系嚟自九州嘅大隈启史，曾经喺拥有多间米芝莲星级食府嘅日本著名饮食集团工作之后，决定拉埋朋友过嚟尝试寻找令我怀念嘅味道‼️三五知己食日本菜，嗌啲串烧就最适合不过🥳 烧鸡肾配上麻油大葱汁，滋味无比😋 烧鸡颈同烧鸡翼外皮微脆但入口仍非常juicy😳 烧免治鸡肉配上日本蛋汁，入口creamy浓浓蛋香，顿时觉得好幸福🥰 呢度嘅烧鸡肉真系特别出色！真花鱼苹果木烟熏特上大拖罗 (5切) 一上枱职员会喺我哋面前打开盖，随即标晒烟咁非常华丽。呢个拖罗真系好味到形容唔到，入口即溶鱼脂丰富，烟熏炙烧令其油香爆棚！🤤💦