影片
更多
2017-08-17
2944 浏览
揾地方食饭就梗喺揾啲啱口味架啦，而老婆喺讲健康嘅人，又偏向素食，所以，就加多少少拣食肆嘅要求。姨仔早前极力推介间好嘢俾佢，当然要试试啦，就喺位处尖沙咀中心地库下面一间瑜珈中心所附设嘅餐厅「Vegetarian Kitchen」，主打健康营养嘅料理。虽然星期日嚟到，个商场静，间餐厅都静，我谂除做瑜珈嘅客人之外，都喺靠口碑相传，个位置咁隔涉，相信生客唔多。餐厅地方唔算好大，近门口有啲梳化位，适合坐低饮吓嘢。整体以简洁为主，灯光亦调得光猛，予人有活力之感。而较抢眼，应该喺入少少一排色彩缤纷嘅卡位，唔单只望落醒神，比起茶记啲卡位阔落好多，所以，宁舍好坐。头上有啲玻璃柜，全喺瑜珈相关产品。墙边嘅小型电视，部部播嘅嘢都唔同，我哋身边𠮶部正播紧黄淑仪嘅节目。瑜珈中心开嘅餐厅，梗喺以健康先行，食材自然讲求有「营」，所以，老婆话拣咩食都非常放心。翻一转餐牌，其实选择真唔少，种类包括汤水系列、冷盘系列、全日精选系列、下午茶餐、健康推介、甜品、推介及多款健康特色饮品。所以，嚟午餐、下午茶或晚餐都无问题。仲有个座枱小餐牌，喺每日嘅精选套餐，5款主菜配沙律及一杯养生汤或生姜茶，全部定价$75，仲无加一，晌尖沙咀
虽然星期日嚟到，个商场静，间餐厅都静，我谂除做瑜珈嘅客人之外，都喺靠口碑相传，个位置咁隔涉，相信生客唔多。
餐厅地方唔算好大，近门口有啲梳化位，适合坐低饮吓嘢。整体以简洁为主，灯光亦调得光猛，予人有活力之感。
而较抢眼，应该喺入少少一排色彩缤纷嘅卡位，唔单只望落醒神，比起茶记啲卡位阔落好多，所以，宁舍好坐。头上有啲玻璃柜，全喺瑜珈相关产品。
墙边嘅小型电视，部部播嘅嘢都唔同，我哋身边𠮶部正播紧黄淑仪嘅节目。
瑜珈中心开嘅餐厅，梗喺以健康先行，食材自然讲求有「营」，所以，老婆话拣咩食都非常放心。翻一转餐牌，其实选择真唔少，种类包括汤水系列、冷盘系列、全日精选系列、下午茶餐、健康推介、甜品、推介及多款健康特色饮品。所以，嚟午餐、下午茶或晚餐都无问题。
仲有个座枱小餐牌，喺每日嘅精选套餐，5款主菜配沙律及一杯养生汤或生姜茶，全部定价$75，仲无加一，晌尖沙咀区而言，绝对喺好划算。
田园沙律（跟餐）跟每日嘅精选套餐所送，份量唔少，而且，用料种类多兼新鲜，淋上胡麻酱，简单得嚟好清爽。
是日精选素汤（跟餐）部份主菜会奉送餐汤，无论写喺是日精选素汤，还是养生汤，店员话其实都喺一样。是日就喺合掌瓜，因为喺素汤，完全无肉，所以，就难免比较淡口，但胜在健康。
生姜茶（跟餐）其中一位友人拣咗热生姜茶，虽然无试到，亦无问友人觉得点，但睇见杯底都有几多姜片，姜味自然有番咁上下。
鲜奶咖啡 +$12难得见佢啲餐牌可以加钱要鲜奶咖啡，当然要试吓啦，可是跟期望嘅喺唔一样。啲咖啡无打奶泡，只喺即磨咖啡，但饮到尾最奇怪加咗啲谷麦，所以，真喺称唔上喺「Latte」，味道亦都麻烦哋。
鲜牛油果黎麦沙律 $72主茶陆续登场，老婆就拣依道沙律，纯因为牛油果嘅关系。哗！唔喺讲笑，虽然只喺沙律，无谂过咁大份，而且，用料绝对十足，跟上文介绍嘅田园沙律有啲似，沙律底都喺沙律菜、车厘茄、珍珠提、青瓜片、粟米、火龙果、士多啤梨……等，同样配胡麻酱，但牛油果及黎麦铺满碟面，捞匀后，入口清新、清爽、富口感，加上啲牛油果够熟，非常好食，老婆劲赞。
鲜牛油果黎麦沙律
$72
59 浏览
0 赞好
0 留言
以整个镬仔盛载，比较平实、茶记款嘅一道菜式，同样又喺份量十足。炒乌冬虽然无乜惊喜，至少食落唔油，算喺保持到健康，而素叉烧似似哋啲面筋，软腍带点咬口感，整体叫做不过不失。
新鲜蓝莓意大利饭 $68呢个饭就有惊喜，卖相砌得靓靓仔仔，睇个菜名咪以为就咁得蓝莓同意大利饭做成，原来更加咗好多材料，如露笋粒、松子仁、合桃，几片士多啤梨做装饰。啲饭粒烟韧有咬口，蓝莓味鲜活突出，又唔会有啲古怪感，而且，混入多种食材令口感极有层次。
新鲜蓝莓意大利饭
$68
68 浏览
0 赞好
0 留言
薄饼喺迷你批呎吋，份量比预期细少许，但就非常足料，批面放满杂菌同蓝莓，再铺上莫沙里拉芝士。批底介乎薄批与厚批之间，唔算好出色，但口感仍算松软，因为有超多杂菌及蓝莓，食味不俗。学我老婆话斋，蓝莓明目，多食无妨。
小弟天生喜欢动感啲嘅运动，好似太极、瑜珈依啲咗静态嘅运动真喺唔啱我，不过，Vegetarian Kitchen嘅出品真喺唔错，唔止得个健康，味道、卖相都唔错，翻兜机率高。加上招呼几贴心，就好似点菜前，侍应哥仔晌远处留意住我哋，既唔会骚扰我哋，我哋一举手准备落单，佢就第一时间过嚟招呼。餐后，亦主动提供清水，更着意叫我哋慢慢坐。
张贴
