影片
更多
2023-03-12
2264 浏览
又喺同老婆轻松嘅周末时光，早上同佢出「荃新天地」睇早场，睇完之后刚好喺午餐时间，就由佢带我嚟到The Base Nature」 食晏，点解嚟呢间，其实喺佢同朋友试过，成日想话带我嚟试吓，所以，今次就顺理成章过嚟一试。虽然餐厅挨住商场，但里面环境唔错，以木系为主调，中庭位置做成屋顶形，加上放置唔少植物，营造出一间农舍小屋模样，予人有份小清新嘅感觉。而走到餐厅尾，有一小排单向窗口吧枱位，由于餐厅一边喺落地大玻璃窗，所以，呢一边感觉更开扬，加上今日阳光普照，让人就更感清爽舒服。餐枱上，除咗放好全黑型格嘅餐具外，仲放有大大支清水，其实，支水无咩特别，只喺有个樽套包住。午市套餐包自助沙律吧，主菜任拣一款（$88-$148），再配指定饮品，另外，仲有好多弹性选项，例如加钱配是日餐汤啦，加配是日蛋糕啦，同埋升级其他饮品都得。有样嘢值得赞好，就喺唔收加一。自助沙律吧沙律吧就喺餐厅最笃笃嘅角落，选择唔算多，包括芝麻汁鸡丝沙律、杂沙律菜、车厘茄、西瓜、三丝沙律、青瓜甜粟沙律、薯仔藜麦沙律，再加上几款酱汁同几款配料，但作为一份前菜都已经好足够喇。此外，晌右边仲摆咗少少小杯装甜点，不时转款，都有拎到一小杯木糠
虽然餐厅挨住商场，但里面环境唔错，以木系为主调，中庭位置做成屋顶形，加上放置唔少植物，营造出一间农舍小屋模样，予人有份小清新嘅感觉。
而走到餐厅尾，有一小排单向窗口吧枱位，由于餐厅一边喺落地大玻璃窗，所以，呢一边感觉更开扬，加上今日阳光普照，让人就更感清爽舒服。
餐枱上，除咗放好全黑型格嘅餐具外，仲放有大大支清水，其实，支水无咩特别，只喺有个樽套包住。
午市套餐包自助沙律吧，主菜任拣一款（$88-$148），再配指定饮品，另外，仲有好多弹性选项，例如加钱配是日餐汤啦，加配是日蛋糕啦，同埋升级其他饮品都得。有样嘢值得赞好，就喺唔收加一。
自助沙律吧沙律吧就喺餐厅最笃笃嘅角落，选择唔算多，包括芝麻汁鸡丝沙律、杂沙律菜、车厘茄、西瓜、三丝沙律、青瓜甜粟沙律、薯仔藜麦沙律，再加上几款酱汁同几款配料，但作为一份前菜都已经好足够喇。此外，晌右边仲摆咗少少小杯装甜点，不时转款，都有拎到一小杯木糠布甸嚟试试，还不错。
正正选择唔算多，所以，一碟搞掂拣晒咁多样食物，至于沙律菜淋咗只蜜糖黑醋汁，味道又几唔错㖞，最紧要喺啲沙律菜够新鲜，咬落嗦嗦声；至于其他食材亦唔差，而且补充亦算快，食完呢道「前菜」就变得更加开胃。
泰式蟹膏忌廉汁大虾意大利粉 $118佢哋嘅服务都几好，会睇住客人食嘢进度先上菜，所以，两个主菜都喺落单后隔咗段时间，等我哋食完个沙律先上，而且，两个主菜都喺同步一齐嚟。而小弟就拣咗个意大利面嚟试试，卖相几精致，虾膏忌廉汁好香滑，啱啱好挂满每一炷面条，食完唔会剩番好多汁喺碟底，而大虾确喺新鲜，食落好有鲜虾味，口感非常爽口弹牙，更要赞嘅喺去晒虾壳，方便食用。
泰式蟹膏忌廉汁大虾意大利粉
$118
31 浏览
0 赞好
0 留言
香草酱露笋菠菜米形意粉 $88米型意粉晌好多年前美丽华地库一间意大利餐厅食过，甚有惊喜，都好似好耐无见呢款意大利粉，所以，今次再遇就唔好错过，重温一下，加上全素就更加啱我老婆。睇样又喺觉得好正，因为面头洒满巴马臣芝士，芝香四溢，入口米形意粉有意大利面嘅咬口，但又有少少似食紧饭咁，感觉好过瘾，粒粒包满芝士汁，咸香好味，而露笋非常幼嫩，爽脆无渣。
香草酱露笋菠菜米形意粉
$88
26 浏览
0 赞好
0 留言
是日精选蛋糕 +$30见佢哋啲主菜做得有水准，所以，临上饮品前，再追加一道甜品试试，是日嘅蛋糕喺三重朱古力蛋糕，又喺好啱我哋嘅口味。朱古力海绵蛋糕底加朱古力慕丝馅，再加一层软朱古力上面，最后洒上唂咕份，咁嘅组合无得输。整体朱古力味好浓郁，中间嘅朱古力慕斯做得好滑溜，面头嘅软朱古力好软滑香浓，喺海绵蛋糕唔知喺咪雪耐咗，有微微干身，小小美中不足。
柠檬姜茶老婆一向钟意饮热茶，所以，喺茶类方面拣咗呢杯柠檬姜茶，当然，柠檬同姜都唔喺新鲜货加落去，而喺一个茶包搞掂晒，不过饮落茶味几清幽，渗出微微柠檬香，点点姜嘅辛辣味。
拿铁咖啡 +$10我就加钱要杯拿铁，其实都算几抵，又大大杯，拉咗少少花，唔花巧只喺普通心形，亦唔喺好细致，不过杯咖啡本身就有一定质素，饮乐咖啡味好顺和，口感亦都好柔滑，冲泡嘅手势都算平均，咖啡配甜品无得讲都喺一绝！
睇完早场，食到饱饱，最后，就梗喺顺便晌荃湾一带扫扫货，买吓海味，行吓AEON，算喺满载而归先打道回府。
张贴
