北京老家 (已結業)

屋企人想食上海野，本来打算去乐天皇朝， 老公觉得冇乜新意，跟住就拣咗呢一间北京老家，话说有朋友试过话呢间嘢几好食。 但我已经忘记咗要拣食上海菜。嚟到呢一间北京老家， 本来系想拣尖沙咀𠮶间分店，冇位关系所以book咗旺角呢一间，但系太子站出会近D。入到去觉得摆设装修都古色古香，好有北京味道。 连一啲细节位好似张枱有块好厚嘅玻璃，下面有个鱼缸。 有屋企人认为呢一个炒面好咸， 但我又觉得味道啱啱好㖞 土豆丝辣辣地酸酸地，几好味， 同埋土豆丝好爽。 小笼包皮薄馅靓，多汁肉嫩。 个炸鸡有啲似炸子鸡，不过肉有啲鞋，有啲失望。 松仁鱼喜出望外，全部骨起晒出嚟，啲鱼肉好嫩好鲜，个汁酸酸甜甜好配合。 食呢个令我谂起食神，𠮶啲拔丝𠮶啲丝真系甜甜地，几好味。冇谂过摆乌龙嘅一餐，本来无太大期望，但屋企人都好满意㖞!