影片
更多
2020-01-23
5378 浏览
早前追睇木村套新剧「摘星厨神」（或译「东京大饭店」），讲到「摘星」之路认真唔易走，老实讲，就算唔喺摘星，做饮食本身都唔喺一件易事。小弟就无做过饮食，但多年嚟周围揾食，亦认识过啲店主，都有少少体会。之不过，最紧要喺讲实力，就好似最近落户香港主打法日菜嘅「Tirpse」，睇过啲杂志介绍，2015年晌东京开业，2个月就摘下米芝莲一星，快速摘星确喺一个传奇。餐厅位处K11MUSEA，坐拥无敌海景，而室内环境装修得摩登时尚，却又显得高雅，且甚有情调，最特别喺天花上嘅木材装饰，添几分原野、森林之感。据店员介绍，餐厅无散点，只有8道菜嘅晚餐供应（$1,188+ 10%），虽然选择少咗，但胜在菜式做得更专注，质素更具保证。餐厅所卖嘅喺融合亚洲各地元素嘅新派法国菜，加上由日本人主理，更有信心佢哋对做菜𠮶份热诚同认真。而侍应对每道菜式都好熟悉，每次上菜，都会细心讲解一下菜式嘅用料及其亮点。Amuse Bouche食过法国菜嘅朋友都知，佢哋梗有个做得精巧、食你唔饱嘅开胃小品，佢又唔算头盘嚟，就好似上酒楼食中菜时，一坐低就摆低几小碟酸菜、花生咁，当然，法国菜就唔会咁简单啦。而晌「Tirpse」，开胃小品就做到
餐厅位处K11MUSEA，坐拥无敌海景，而室内环境装修得摩登时尚，却又显得高雅，且甚有情调，最特别喺天花上嘅木材装饰，添几分原野、森林之感。
据店员介绍，餐厅无散点，只有8道菜嘅晚餐供应（$1,188+ 10%），虽然选择少咗，但胜在菜式做得更专注，质素更具保证。餐厅所卖嘅喺融合亚洲各地元素嘅新派法国菜，加上由日本人主理，更有信心佢哋对做菜𠮶份热诚同认真。而侍应对每道菜式都好熟悉，每次上菜，都会细心讲解一下菜式嘅用料及其亮点。
Amuse Bouche食过法国菜嘅朋友都知，佢哋梗有个做得精巧、食你唔饱嘅开胃小品，佢又唔算头盘嚟，就好似上酒楼食中菜时，一坐低就摆低几小碟酸菜、花生咁，当然，法国菜就唔会咁简单啦。而晌「Tirpse」，开胃小品就做到有两款，等客人过足口瘾。
第一款就喺以一片脆片，有啲似炸猪皮嘅感觉，再放上焦糖洋葱、黑松露、银鱼仔，一口食落去，口感及味道都好多样化，好过瘾吓！
第二道可以称之为海胆挞，因为以北海道海胆、耶路撒冷雅枝竹慕丝、法国芝士配搭而成，咬落挞壳极之脆口，芝士又衬托出海胆嘅鲜味，颇有惊喜。
Amuse Bouche
50 浏览
0 赞好
0 留言
Bread面包篮则似喺意大利拖鞋包，微暖我都收货，依家拎起手仲喺热烘烘，抵赞啦，而且，啲面包非常软熟。但亮点其实晌啲牛油度，以酸忌廉、法国牛油及马卡风芝士打成，再洒少少海盐，柔滑而味道甚具层次。
Oyster, Spinach, Hazelnut Oil卒之都上头盘喇，但先嚟一碟「黑掹掹」嘅嘢，点睇都唔似喺餐牌上嘅菜式，原来，法国石蚝以65°C热水灼过，再铺上柔嫩嘅菠菜菜，而底下仲垫有啲菠菜蓉。蚝肉肥厚，晌菠菜蓉衬托下，蚝味更鲜浓，而且余韵长。
Oyster, Spinach, Hazelnut Oil
57 浏览
0 赞好
0 留言
Shirako, Potato, Truffle友人就拣咗北海道鳕鱼白子，初时睇名都以为喺加啲松露酱啦，原来喺即刨嘅法国黑松露，𠮶朕香气更幽香脱俗，而最底则垫有少少薯蓉。白子入口「滑嘟嘟」，而薯蓉更喺滑溜无比，却有浓郁薯味，事后先知，原来薯蓉喺加入法国鲜奶去煮。
White Kidney Bean, Chorizo 红腰豆晌食沙律时就食得多，但白腰豆呢，就记忆中应该喺第一次食。有别一般嘅忌廉汤，据侍应介绍时，放咗啲棉花糖，所以，滑溜得嚟有种沙沙嘅口感，白腰豆味十分浓，唧咗少少西班牙辣肉肠油，所以，味道又唔单一，带少少香辣感，几有趣嘅一款汤品。
White Kidney Bean, Chorizo
51 浏览
0 赞好
0 留言
Branchiostegus, Clam, Yuzu华丽嘅鱼鲜登场，得侍应介绍，真喺长唔少知识，鱼鲜喺用上跟日本甘鲷同科嘅马头鱼，连皮半煎炸后再焗，金黄嘅鱼皮脆到不得了，喺精彩位，而鱼肉嫩滑细致；咁蚬呢？唔见㖞，原来底下嘅非酱汁，而喺以鱼骨、鲜蚬、柚子熬嘅汤，怪唔得侍应会再放多只羹俾我哋啦，啲汤十分之鲜甜、清新，好有心思。伴碟嘅喺我哋家常接触嘅白菜，而晌日本，就会用上日本芽葱。
Branchiostegus, Clam, Yuzu
32 浏览
1 赞好
0 留言
接住喺主菜喇（Main Course），同样都喺有两款选择，一款喺法国珍珠鸡，另一款喺美国极佳级（Prime）牛肉，不过，部位就无特别提，但温提，选后者就需要额外加多$88。
Guinea Fowl, Carrot, Girolle依道法国珍珠鸡嘅卖相，利用姜黄南瓜蓉当作颜料，做到有啲似抽象画咁，而伴菜除有甘笋、鸡油菌之外，最估唔到喺两小截白色、淋上泡沫嘅茄子嚟。而珍珠鸡喺先慢煮，后煎封，所以，外皮极之香脆，鸡肉嘅质感就保持柔嫩细腻，富弹性，伴以少许姜黄南瓜蓉，实在能突出食材嘅精髓。
Guinea Fowl, Carrot, Girolle
36 浏览
0 赞好
0 留言
U.S. Prime Beef, Black Garlic, Cacao Red Wine Sauce +$88相对碟法国珍珠鸡，呢一道美国牛柳嘅卖相就相对简而清，不过，依然喺靓料取胜。牛柳煎嘅火候恰到好处，刚好五乘，落刀已知道其质感有几软腍，而肉味香浓，配以少少黑蒜，以及红酒汁，酱汁令肉香更调和；伴菜嘅萝卜亦好清甜，入口无渣。
U.S. Prime Beef, Black Garlic, Cacao Red Wine Sauce
35 浏览
0 赞好
0 留言
以小弟食法国菜有限嘅经验，通常晌小主菜同主菜之间，都有一道简单嘅甜点「雪葩」做间场，然而，今次晌「Tirpse」就无咁嘅安排，反而近尾，有一道迷你甜品（Mini Dessert），之后先再有一客正式嘅甜品。
Guinness Ice Cream虽然话呢一道喺「迷你甜品」，但份量绝对唔会好迷你，而且，亦为迤做。以健力士黑啤做主角已经少有，难得个雪糕做得软滑，又确喺好有啤酒味，味道非常过瘾；再衬以少少焦糖麦粒、及白朱古力薄片，就连卖相都抢晒分。
Guinness Ice Cream
195 浏览
0 赞好
0 留言
个黑啤雪糕已好有惊喜喇，再落嚟嘅两款甜品亦无令人失望。先分享呢一款青柑桔慕丝，初头第一眼望落去以为喺类似火焰雪山之类嘅法式甜点，原来喺白朱古力做成脆壳，里面喺青柑桔慕丝搭士多啤梨及蕃石榴果酱，入口酸爽清凉，好有新鲜感；另旁边小球喺姜味雪葩，姜味十足，辛而不辣。
Kalamansi Mousse
90 浏览
0 赞好
0 留言
Mascarpone Cream 另一道甜品单喺外型就劲吸引，既立体，又具层次。由下而上，喺柔滑嘅马卡风芝士忌廉、甜脆可口嘅蛋白饼、浓香嘅柑肉渍及香滑嘅檀香木烟熏牛奶雪糕，再以法式曲奇片作装饰，配搭绝对喺一份份嘅心思，味道多变，又唔会觉得好古怪。
Mascarpone Cream
31 浏览
0 赞好
0 留言
Lemon Tea虽然话只喺柠檬茶而已，但都可以做得好细心，因为红茶并非「求其」揾个茶包开冲，而喺用上原片茶叶，以及加入少少果皮，感觉份外唔同，茶味更芳香。
Latte配甜品，小弟一向惯性要热鲜奶咖啡，不过，嚟错杯冻嘅，咁我亦无乜所谓。不过，冻饮跟热饮就睇少好多嘢，无拉花，又饮唔到咖啡师冲况嘅手势，但喺，杯鲜奶咖啡本身嘅味道都唔错嘅。
Mignardises有食开法国菜嘅朋友都知，当上餐饮之时，随之都会有「Petits fours」、「Mignardises」嘅小甜点，无话一定会喺啲乜，就今晚而言，侍应介绍就喺茉莉花味棉花糖、拔兰地金砖蛋糕、意大利果仁曲奇。每件均做到一小口呎吋，无论口感，抑或味道，3款小甜点都各具特色，非常搭配小弟杯咖啡。
Mignardises
21 浏览
0 赞好
0 留言
张贴
