影片
更多
2019-02-21
7959 浏览
农历年后，总有几餐同朋友一齐聚一聚嘅开年饭，其中一餐就印象好难忘，就喺晌香港洲际酒店获米芝莲两星嘅「欣图轩」，从餐牌内页嘅介绍，更喺福布斯五星嘅食肆。虽然，小弟唔会全然信晒啲乜星物星，不过，今次到访过「欣图轩」食午餐，享受咗一次粤菜艺术，就知其摘星有因，绝非侥幸！餐厅嘅入口位就位处食自助餐嘅「港畔餐厅」侧旁，门面其实有点唔显眼，不过，入到去你就知咩叫做深藏不露。原来餐厅刚由另一边位置搬过嚟，属全新面貌，由门口入到大厅，就会轻易发觉都喺以优雅嘅玉石做主题，中国人对玉石可谓情有独钟。先介绍吓接待处对出呢个位置，最初匆匆入去大厅时都无为意，以为只喺一个浅池，之后再细看，天花垂落嚟呢个其实喺印章，「欣图轩」三个大字正正清晰鲜明倒映晌水池中，非常有心思。再经过由墨绿色玉石砌成嘅大门框后，影入眼帘就喺一条长长嘅长廊，长廊两旁喺以人手镶嵌咗用珍珠贝壳刻画嘅图案，一边抽象咁展示出海岸、山脉……等等意境线条，另一边则勾画出富中国色彩嘅松树与梅花，喺对中国文化嘅一种重视。此外，沿路、以及大厅，都放置咗唔少艺术品，虽然，小弟对艺术嘢一窍不通，但予人更感高雅脱俗。卒之嚟到大厅用餐区，感觉豁然开朗，因为，原来餐
原来餐厅刚由另一边位置搬过嚟，属全新面貌，由门口入到大厅，就会轻易发觉都喺以优雅嘅玉石做主题，中国人对玉石可谓情有独钟。先介绍吓接待处对出呢个位置，最初匆匆入去大厅时都无为意，以为只喺一个浅池，之后再细看，天花垂落嚟呢个其实喺印章，「欣图轩」三个大字正正清晰鲜明倒映晌水池中，非常有心思。
再经过由墨绿色玉石砌成嘅大门框后，影入眼帘就喺一条长长嘅长廊，长廊两旁喺以人手镶嵌咗用珍珠贝壳刻画嘅图案，一边抽象咁展示出海岸、山脉……等等意境线条，另一边则勾画出富中国色彩嘅松树与梅花，喺对中国文化嘅一种重视。
此外，沿路、以及大厅，都放置咗唔少艺术品，虽然，小弟对艺术嘢一窍不通，但予人更感高雅脱俗。
卒之嚟到大厅用餐区，感觉豁然开朗，因为，原来餐厅嘅对出景观就喺「星光大道」，适逢「星光大道」工程完结再开放，加上落地大玻璃，令景观非常开扬，灿烂嘅阳光映照入嚟，予人心懭神怡、精神倍添嘅感觉；而且，枱与枱之间编排阔落，亳无拘束感。
而整个「大客厅」，可细味嘅装修何止一、两点？就好似啲丝绸屏风，唔介绍都唔知，除咗人手制作之外，屏风均用咗6种唔同层次嘅绿色丝线，以构成6层丝网，形成三维嘅层次效果；仲有，当中更以中国其中四种最能代表四季嘅花卉作主题，并以苏州双面刺绣、珠仔同青铜金属定制，所以，前后睇都喺一样咁精细，令整体更具古雅盎然。
其实除环境写意外，枱上嘅摆设亦显出高雅精致，好似小小一盆粉红兰花，衬啲插花技巧，已营造出好宁静感；而一整套玉石餐具：餐碟托板、餐巾、汤匙、筷子及筷子托，唔单单喺用嚟食嘢咁简单，更提高观赏价值。
平时去饮茶，坐落就更喺叫饮咩茶，呢道一样有铁观音、龙井、寿眉、普洱……等等常见嘅茶叶供应，茗茶每位收$26，不过，如果你对中国茶有要求，又或好奇一啲特级嘅茶叶，依度一样可以满足到你。单喺讲茶，已独立有一本茗茶嘅餐牌，如大红柑普洱茶、布朗山百年古树普洱茶、芝兰水仙、天山珍稀野菊、炭焙茶皇铁观音……等等，细看之后真喺让小弟长知识，特聘专人搜罗各地得奖珍稀茶叶，更设有茶艺师作品茶指导，为咗将传统粤菜与中国茗茶可以好好配合，更使人领略中国茶道之博大精深！
凤凰桂花香 $108 / 位不过，要一尝此等特级茗茶，就需要有多点付出。呢一款「凤凰桂花香」睇餐牌嘅介绍，属半发酵乌龙茶，来头唔小架，荣获2011、2014年香港茶艺博览会乌龙茶组冠军，亦喺茶艺师嘅推介之一，功效有消脂去腻、强化血管、降胆固醇。色泽清澈而金黄，性平淡雅而清香。
琥珀合桃餐前等待点心之际，一口清幽嘅乌龙茶，一口琥珀合桃，一清一浓，平衡不过。啲琥珀合桃喺自家制，入口非常香脆，而且，去足衣，完全无苦涩味，再者，合桃面盖上薄薄一层糖浆，恰如其分，绝无过甜嘅问题。
琥珀合桃
72 浏览
0 赞好
0 留言
一般而言，到酒楼食点心，惯性不外乎辣酱，就喺豆瓣酱，但「欣图轩」贵为星级酒店嘅中菜，岂会咁平凡。待点心送上前，先嚟6款酱料，左边一组喺浙醋配姜丝、陈皮梅子酱、自家配方海鲜酱油，右边一组喺海南黄椒酱、港式香辣酱、浓香豆瓣酱。究竟点配搭，简单而言，随心就得嘞，无需太拘束。
极品三式海鲜饺 $168嚟到「欣图轩」，点心嘅卖相都会预期喺极尽心思，就好似呢一道以长型蒸笼嘅出品「极品三式海鲜饺」：黑松露带子饺、金箔燕液龙虾饺、长脚蟹肶菜苗饺，单喺睇食材用料已知有几矜贵，再加上别出心裁嘅配搭，每一件都好有个性，而且，手功好细致，饺皮薄而柔韧唔黏牙、原片黑松露散发阵阵幽香、带子清甜富鲜味、龙虾肉鲜爽弹牙、菜苗刴得细腻清新……，将食材嘅鲜味原原本本咁带出，真喺美食嘅艺术。
极品三式海鲜饺
$168
220 浏览
0 赞好
0 留言
另一道招牌点心喺香脆为卖点嘅「至尊香脆三重奏」，3道点心分别喺杏片蜜桃海鲜筒、鸭肝香芋白玉佩、香芒牛油果焗蟹盒，貌似平平无奇，其实，贯彻配搭有心思。海鲜筒以米纸卷做成，入口十分香脆，鸭肝夹香芋，出奇地衬㖞，而焗蟹盒内填满咗丝丝蟹肉，混入芒果及牛油果，令味道更丰富。
柚子明虾角、黑松露和牛咸煎堆、星斑海鲜金鱼饺今次无放啲餐牌资讯出嚟，因为上返佢哋官网就有齐晒。而其实，以上3款点心都喺散点嘅点心嚟，每客各３件，卖$75、$88、$88，不过，如果有部份点心好想试，人少少又点唔得几多笼，喺可以事先跟餐厅经理沟通吓作出预订，做成一份份「自定」三小碟、四小碟嘅点心小拼盘。明虾角外皮包得折纹细致而香脆，加入柚子肉令味道清爽咗，和牛咸煎堆喺小弟最欣赏嘅点心，幽香得嚟有份咸脆，而金鱼饺造型像真，里面嘅星斑肉坚喺滑溜到不得了！
柚子明虾角、黑松露和牛咸煎堆、星斑海鲜金鱼饺
208 浏览
0 赞好
0 留言
有时食嘢，如果有留意啲细节位，就会发觉一道菜嘅好与坏，除咗用料，仲有就喺心机。当一打开盖，汤色绝对喺清澈见底，喺清到半滴油都无，可见隔油嘅工序几用心，而味道却喺清甜且滋润；捞上嚟睇睇有花胶、响螺，都喺大件嘅靓货，咬落去花胶嘅胶性更有少少啜牙嘅感觉，响螺却喺爽口带韧劲，最好就喺沾少少海鲜酱油吊吊味。
花胶炖响螺
$280
124 浏览
0 赞好
0 留言
脆酿鲜蟹盖 $238餐牌中有一系列「刘师傅巧手推介」，刘师傅喺边个？餐牌中有介绍，佢就喺「欣图轩」背后嘅灵魂人物，有超过30年粤菜经验嘅行政总厨刘耀辉师傅。至于「脆酿鲜蟹盖」喺巧手推介之一，整个蟹盖炸得金黄，面层做得薄而香脆，却喺全无油腻感，炸功了得，咬开里面，啲蟹肉唔喺一丝丝，而喺一梳梳，白汁底又唔会太杰身，恰到好处，叫人食得十分畅快。
脆酿鲜蟹盖
$238
112 浏览
0 赞好
0 留言
蒜片青尖椒爆和牛 $300依个亦喺另一道「刘师傅巧手推介」菜式之一，查实晌餐牌中标价喺$600，怕一客太多食唔晒，但又想试，可以向餐厅查询一下可唔可以做半份，眼前呢一客就喺半份嘞，其实话半份，一样唔少，卖点就喺用上好靓嘅和牛，仲切得比一般大粒啲，所以，入口更具口感，且甚有油香；其余嘅细节位亦无马虎，如青尖椒炒到爽脆不辣，啱晒我，更伴以不少鸡脾菇，就连啲鸡脾菇为求美观都切成精条状且大小均一架。
樱花虾八宝焗饭 $148 / 位讲到啲饭面，要留意一下，就喺部份菜式喺以每位计，部份喺碟头计。「樱花虾八宝焗饭」以小瓦煲上枱，既古雅，又能更有效保温。八宝焗饭喺以烤鸭肉、芋头、瑶柱炒成，本身已经好够味，再加埋啲樱花虾，就当然更有画龙点晴之效啦，最正喺饭粒分明，入口有份清爽感。
樱花虾八宝焗饭
96 浏览
0 赞好
0 留言
最后，嚟一道甜点「些牙」吓，但最估唔到，原来「欣图轩」晌甜品方面都下咗好多苦功，唔喺单单两、三中式糖水咁简单应酬吓，而喺有多款中西式甜点，部份更用上特别嘅食材。我哋呢个奶冻，香芋味非常突出，奶冻嘅质感柔滑而挺身，啲糖心紫薯则烟韧有咬口，好有薯香。
餐后，餐厅更会送上一份小礼品以示谢意，希望客人用餐愉快，冀再次光临。而小礼品里面喺茉莉花茶茶叶，可谓物轻情意重，此外，因时值农历新年，更有一封利是，仲以为会唔会喺啲餐厅优惠券，原来喺一张红卡及一个朱古力金币，前者以英文介绍乜嘢喺猪年？利是又喺乜？后者则带点祝贺的意思，实在好有心思。
「欣图轩」嘅用餐环境予人舒服写意喺无庸置疑，而服务更绝对喺酒店应有嘅级数，亦会为客人嘅需要而尽量作出安排。据介绍，如果晚上嚟用餐，更有点像品尝法国菜般高级餐饮（Fine Dining）嘅细腻。食物方面，除用料精、厨艺扎实，更有好多创新嘅意念，当然，晌度食一餐饭绝不便宜，但加上环境、服务，仍喺物有所值，遇上特别嘅日子，确喺一个很好嘅选择。
张贴
