影片
更多
2014-05-27
692 浏览
依家做中菜真喺越嚟越唔易，怀旧嘅未必好多人识欣赏，香港人又喜欢贪新鲜。最近，嚟到尖沙咀The ONE嘅「大力棒棒摩登中菜」一试新派中菜，据介绍菜式揉合上海菜、台湾菜、四川菜、粤菜等等，不拘一格，又套上一啲甚具玩味嘅菜名，希望将中菜变得「摩登」有型 。店面以泥水墙、红灰对衬，古屋大宅模样得嚟带点酷。不过，室内环境则偏向西化，但又加入少少富中国色彩元素嘅装饰，如竹帘、油纸遮形吊灯、幽默嘅画作，多添一份艺术气氛。而入门后右边最远处，有一间10-12人嘅厢房，以传统中药店嘅百子柜为设计概念，最低消费都只喺$2,000，门槛唔高，胜在一班人坐埋唔使受人骚扰。餐厅除提供一般散叫菜式，亦有度身订做嘅私房菜，所以，一班人晌厢房叹私房菜，就最好不过。既然叫得摩登中菜，就唔可以得中国茶咁守旧，当然普洱、菊花、茉莉花（香片）唔少得，更有多款花茶、果汁红茶 。 自家制薏米水 $18 / 杯，$32 / 壶 自家制洛神花茶 $18 / 杯，$32 / 壶 首推梗喺两款自家制出品：薏米水及洛神花茶，两款都有试过，个人觉得前者较淡味，后者酸酸甜甜，餐前饮更感开胃，后饭饮又有种更去油腻嘅感觉。 杏汁白肺
店面以泥水墙、红灰对衬，古屋大宅模样得嚟带点酷。不过，室内环境则偏向西化，但又加入少少富中国色彩元素嘅装饰，如竹帘、油纸遮形吊灯、幽默嘅画作，多添一份艺术气氛。
而入门后右边最远处，有一间10-12人嘅厢房，以传统中药店嘅百子柜为设计概念，最低消费都只喺$2,000，门槛唔高，胜在一班人坐埋唔使受人骚扰。餐厅除提供一般散叫菜式，亦有度身订做嘅私房菜，所以，一班人晌厢房叹私房菜，就最好不过。
既然叫得摩登中菜，就唔可以得中国茶咁守旧，当然普洱、菊花、茉莉花（香片）唔少得，更有多款花茶、果汁红茶 。
自家制薏米水 $18 / 杯，$32 / 壶自家制洛神花茶 $18 / 杯，$32 / 壶
首推梗喺两款自家制出品：薏米水及洛神花茶，两款都有试过，个人觉得前者较淡味，后者酸酸甜甜，餐前饮更感开胃，后饭饮又有种更去油腻嘅感觉。
杏汁白肺汤 不晌餐牌之内，需预订，喺店内私房菜嘅主打汤水。好此汤者大有人在，因为够滋补，但一般极少数人会晌家中制作，原因在于个烦字。据介绍，师傅为猪肺要啤足水，南北杏又要磨汁，加入清鸡汤、白菜先有药效，兼要炖6小时，样样都喺心机同功夫 。奶白嘅汤水，入口清甜芳香，清泽润肺，杏香随随渗出，好滋润嘅一道炖汤 。为显真材实料，一整碟汤渣附汤「附送」，大大件猪肺食落完全无膻臭味。
饮完碗靓汤过后，都喺起筷嘅时候。餐厅菜式分为：凉拌小食、脆口小食、招牌鸡煲、镇店小菜王、时蔬、各式饭面、中式小点心、甜品糖水等类别，加加埋埋超过80多款。好，起筷！等小弟慢慢分享今晚美食。打头阵喺凉拌小食，全部共有8款。晾衫白肉 $78
依道凉拌小食好睇又好食，将青瓜片及腩肉片，一块叠一块好似晾衫咁放晌小竹架，似喺蒜泥白肉嘅变奏。青瓜及腩片都切得非常薄，刀工十足，佐以秘制麻辣酱同食，清爽中爆发一朕惹味，花椒下得唔多，发麻嘅效果啱我程度 。
芥末小青瓜 $42 最后一道凉拌小食喺简简单单嘅芥末小青瓜，装饰嘅喺无味嘅日本海藻，喺健康嘢。青瓜切粒，混入原条日本山葵所磨成嘅芥辣，青瓜爽脆，芥辣微微。
再嚟喺脆口小食，我哋一次过试晒4款。大虾球锅贴 $48
先上场喺大虾球锅贴，或者有人叫佢做虾多士，不过，就唔喺用虾胶做，而改用原只鲜虾。多士炸至金黄，入口香脆不油，鲜虾肉鲜甜弹牙 ，确实有少少意外惊喜。
饱受折磨 $42 百思不得其解嘅菜名，做法喺将金菇逐条拆散，上粉炸，混和七味粉及淮盐，所谓「折磨」，店主解释喺折磨紧师傅，要佢将金菇拆散花功夫。炸金菇真喺条条分明，酥香可口，咸咸香香，又一送酒好推介 。
七味脆西施 $42 正当大家都估估吓「西施」喺乜嘅时候，一咬就知。一口一粒嘅酥炸豆腐，老套一句，外脆内嫩，仲要嫩滑无比 ，调味跟饱受折磨一样加入七味粉同淮盐。
皇宫大茄子 $42茄子切成圆柱形，一件叠一件，淋上铁板烧酱汁及加上木鱼碎，有啲和风嘅影子。茄子煎得香软，酱汁浓香，但较杰身，原来喺免泻开好睇啲。不过，若以茄子嘅质感，放晌「脆口小食」一类则有点名不符实咯！
依家周街都有好多食店卖鸡煲，大力棒棒都凑热闹，以鸡煲为本，再搞点心思创作一系列「招牌鸡煲」新菜式。招牌鸡煲有多款味道选择，如秘制麻辣皇帝石窝鸡、陈年花雕醉石窝鸡、浓汁咖喱皇子石窝鸡……等等，另加$30鸡煲就可改为多士盒，仲可拣原味、牛油或蒜蓉牛油味。糖醋鸡盒 $148
糖醋鸡煲加台式多士盒所组成，鲜鸡件以糖醋炒香，放入多士盒，鸡件酸香开胃，多士盒包身脆，蘸糖醋汁食亦唔错。
再落嚟几款镇店小菜王，有几镇店？即刻去片。外婆红烧肉 $88
类似东坡肉嘅一道菜式，店主话个腩肉喺以卤水、鸡汁、蚝油、少少鲍汁所熬成，怪不得味道份外浓郁；虽侧望有一阵肥膏，但绝对无油腻之感，入口即溶，真喺有啲似食花胶嘅感觉；而切开能见一丝丝嘅肉质，咬落松化而不松散 。
士多啤梨酸甜骨 $108 虽然唔喺咩创新菜式，但做得不俗，功夫扎实。排骨粉浆薄，唔会食落成旧粉，而个茨汁甜而不腻，微微哋酸，带鲜香士多啤梨味，原来个汁酱喺用上新鲜士多啤梨打嘅 。
富二代 $78 因为个名改得鬼马，所以就好想试试喺点。原盅位上，以腐皮包住鲍鱼、带子、虾仁、瓜菜粒，注入鱼汤所做成嘅「福袋」，取其腐皮、福袋谐音。用料不赖，新鲜量足，所以，入口清新鲜甜，鲍鱼有咬口，带子又柔嫩，虾仁够爽口，咪唔记得饮清晒啲鱼汤 。
中式蒜蓉包 $38 蒜蓉包相信好多人食过，咁又何谓「中式」？面包睇落似法包，其实喺一种类似猪仔包嘅硬包，涂上牛油清、蒜蓉，撒上葱花。眼前依碟喺两份嚟，净食都OK ，几香蒜蓉及葱味，当然，主要其实想配下面个南瓜芝士海皇煲。
南瓜芝士海皇煲 $98海皇煲以韩式石锅盛载，保持持久热辣，因为个南瓜芝士汁一摊凉好易凝埋一旧。虽然个汁嘅南瓜及芝士味唔算好强，而且个人觉得杰身咗，但胜在料多，有青口、虾仁、带子粒……等等，配上述嘅蒜蓉包效果最理想。
鲍鱼鸡粒豆腐煲 $98 再一个石锅菜式，依个好值得推介，捞饭一流 。原来用上新鲜鸡，挺鲜味，豆腐又超滑，酱汁浓郁惹味，唔加鲍鱼都够晒煞食，不过加埋鲍鱼个菜就高档多啲。
食埋咁多热气嘢，又多肉，喺时候嚟啲时蔬平衡一下。蔬菜类菜式有十多款，浓淡皆有。花胶杞子浸白菜苗 $108
跟「富二代」同样加入鱼汤，但明显依个仲香浓鲜甜。白菜苗翠绿鲜嫩，然而，大大件嘅花胶绝对喺成道菜亮点，更喺女士恩物，而花胶煮得腍滑，有咬口，正 。
啫啫石窝四季豆 $68 原名应叫啫啫石窝靓菜，靓菜可拣西兰花、芥兰、生菜及四季豆。个菜有啲似干煸四季豆，四季豆、肉碎、虾米以虾酱爆炒，送到嚟唔止滋滋作响，仲香气四溢 。难得四季豆仲带有少少爽口感，味道整之惹味芳香。
芝麻企鹅鸡 $380 店方推介兼新创菜式，企鹅鸡摆明喺指个摆设形态，一上枱已被议论纷纷，觉得只鸡好搞嘢。依个菜需要提早预定，因为又喺工序繁复，既要风干一日以上，又要好似慢煮咁揾温油浸，再扯油，加上用两斤十嘅新鲜鸡，所以$380都算得上抵食。最有趣喺等相机食完之后，会拎入厨房由师傅手撕，务求令人食到皮脆肉滑嘅鸡件，加上外皮沾满白芝麻，宁舍芳香。鸡下垫有翡翠苗及面包条，夹埋当件小三文治喺个几有趣嘅食法 。
今晚菜式实在太丰富，所以，要留肚食糖水，饭面就免问嘞。而糖水绝唔喺红绿沙普通嘢，而喺杏汁炖官燕、红莲清炖雪蛤膏、燕窝蛋白杏仁茶……等等，喺咪好吸引呢。手磨杏汁蛋白 $38
色泽非常雪白，好香杏仁味，质感几滑，加上好多蛋白，味道几清甜，感觉滋润。
除咗有做私房菜，闲日嘅午餐都有以晚市嘅菜式为主，例如鲍鱼鸡粒豆腐煲、外婆红烧肉，甚有睇头，小菜客饭都喺$48-$88，包老火汤或餐饮，免加一。仲唔只，以及方便商场内嘅销售员，更推出轻便茶餐。
此外，「来自星期一的你」优惠，为打工仔打打气，晚市可享全单88折。有兴趣去一试嘅朋友就不妨择个「好日」过去喇 。
试过主餐牌多项菜式，大部份都做得有水准，个别菜式做得有心思又带嚟惊喜，再者，以尖沙咀区而言，定价相当合理。有机会真喺约齐脚嚟试试佢哋嘅私房菜水准，又会唔会带嚟无限摩登惊喜！真喺多谢食友之邀，让小弟掹衫尾尽尝多款味美嘅摩登中菜。
张贴
