影片
更多
2023-11-24
816 浏览
今次介绍嘅系一间地点不太方便，隐藏于摩啰街古董舖之中嘅特色fusion餐厅，餐厅将中菜特色fusion西班牙传统菜式🇪🇸，感觉令人焕然一新😌 可能老板想衬返摩罗街喇，新旧融合呀嘛🤣 而我哋最欣赏嘅系，呢间餐厅每上一道菜，都有侍应去介绍每一道菜及建议食法，呢啲好似好普通嘅嘢，不过喺宜家呢个速食世代已经买少见少🤷🏻♀️🤷🏻避风塘鸡软骨($98)：佢系一锅上，无错，真系一锅咁上，好大份😱 炸鸡软骨大大旧，而且仲有鸡肉痴住，食落口感香脆，最惊喜嘅系佢哋个避风塘嘅香、辣等调味处理得好好，大量嘅炸蒜/辣椒🌶️ 越食越过瘾慢煮八爪鱼配加泰隆尼亚汁($138)：西班牙作为沿海城市，八爪鱼都系佢哋嘅食材，呢味八爪鱼完全表现出新鲜，点解我哋咁讲？系因为餐厅用咗真空慢煮嘅煮法令到八爪鱼须一啲都唔韧，弹弹吓咁，而且咬落好juicy添🤤 衬埋个加泰隆尼亚汁，味道带少少酸，几开胃👍🏻西班牙蒜片虾($168)：份量唔多，得6-7只左右，呢度要扣分！😔 撇除份量唔够呢个缺点之外，橄榄油尽吸蒜片、辣椒嘅香气，然后紧紧咁包住虾肉，虾肉爽口弹牙😍 食完后仲可以将附上嘅面包沾少少尽吸蒜片、辣椒香气嘅橄榄油🥹北京填鸭扁意粉($1
避风塘鸡软骨($98)：佢系一锅上，无错，真系一锅咁上，好大份😱 炸鸡软骨大大旧，而且仲有鸡肉痴住，食落口感香脆，最惊喜嘅系佢哋个避风塘嘅香、辣等调味处理得好好，大量嘅炸蒜/辣椒🌶️ 越食越过瘾
慢煮八爪鱼配加泰隆尼亚汁($138)：西班牙作为沿海城市，八爪鱼都系佢哋嘅食材，呢味八爪鱼完全表现出新鲜，点解我哋咁讲？系因为餐厅用咗真空慢煮嘅煮法令到八爪鱼须一啲都唔韧，弹弹吓咁，而且咬落好juicy添🤤 衬埋个加泰隆尼亚汁，味道带少少酸，几开胃👍🏻
西班牙蒜片虾($168)：份量唔多，得6-7只左右，呢度要扣分！😔 撇除份量唔够呢个缺点之外，橄榄油尽吸蒜片、辣椒嘅香气，然后紧紧咁包住虾肉，虾肉爽口弹牙😍 食完后仲可以将附上嘅面包沾少少尽吸蒜片、辣椒香气嘅橄榄油🥹
北京填鸭扁意粉($188)：呢度我哋真系佩服大厨，居然可以将传统嘅片皮鸭，再用上fusion手法去煮个意粉。首先大厨将海鲜酱调校成汁再煮扁意粉，令到个意粉有少少挂汁嘅状态，食落有海鲜酱嘅味道。而传统片皮鸭果部分，餐厅就用咗鸭胸，而且系厚切，令到每一啖咬落去啲鸭油咇出嚟🤤 最抵死嘅系佢连传统片皮鸭嘅京葱姜丝都有，食一啖意粉，再将一旧鸭胸连京葱姜丝点少少海鲜酱食，食完之后个感觉好似真系食完片皮鸭咁😂
四川麻辣黑毛猪扁意粉($178)：佢哋啲猪肉都系厚切，而且份量多，不过要注意嘅系呢味菜味道就相对麻辣。佢哋嘅调味就同传统嘅四川菜一样，有香、麻、最后先辣，而且意份都系挂汁嘅，佢哋嘅黑毛猪猪肉冇雪味(可能因为四川调味太浓，我哋都食唔出啦🤫)，口感唔讲以为食紧牛肉啊🤯 越食就越辣，越辣就越想继续食，好鬼正🥵
食咗咁多又热气又辣嘅嘢，我哋都忍唔住叫咗个甜品
蛋白杏仁茶焦糖炖蛋($88)：佢哋连甜品都fusion咗传统中式甜品蛋白杏仁茶，同侍应交流后，我哋知道，原来餐厅老板用咗好多方法想将杏仁茶嘅滑融合落去焦糖炖蛋度，不过用咗好多方法都唔成功，而家我哋食到嘅已经系最成功嘅一个方法喇。讲返个甜品，甜品唔会太甜，面头嘅焦糖厚薄适中，我哋最怕焦糖又厚又硬，咬到牙都崩🤓 而且甜品系附送少少生果及开心果味gelato，以呢个价嚟讲算合理😌
特别一提，餐厅嘅wine list 以呢个规模嘅餐厅来讲都几齐全，有传统嘅汽、白、红葡萄酒(唔记得有冇Sauternes🤔)，去到spirits 都有，睇得出老板应该系爱饮之人，我哋期待下次可以试吓佢哋嘅鸡尾酒。小小总结啦，呢间餐厅食物质素、创作心思都好好，唯独是系价钱略为进取，如果价钱可以向下微调少少，我相信佢就算开到喺沙头角，都有一大班fans入去支持。
张贴
