影片
更多
2023-04-19
2102 浏览
约咗朋友嚟圆方睇戏，入场前先揾间餐厅食个 quick lunch。唔想帮衬快餐店，拣咗溜冰场附近𠮶间「琼芳冰厅」。据知餐厅嘅名字灵感及系来自「琼花」，店内装潢很雅致，用上古典拱门，素色建材、透光玻璃旁栏作装饰，营造出简洁舒服嘅风格，令人耳目一新。琼芳黯然销魂饭 ($98) 系餐厅嘅皇牌美食，一场嚟到，当然要试下。叉烧采用西班牙伊比利亚黑毛猪现场烧制，食落肉质好松化，肥瘦均匀，蜜味中带焦香。伴吃嘅太阳蛋，水准亦不遑多让，蛋黄超流心，而且仲要系打孖上、份量十足，入口蛋香味浓，再配上秘制头抽，用嚟佐饭真系一流！另外仲点咗客星洲咖喱杂菜牛肋条意粉 ($98)，厨师出手好豪爽，牛肋条有 5 大件，肉质肥美，食落超级松软兼入味，加上浓香得嚟更带少许椰香嘅咖喱，真系令人食指大动！杂菜有西兰花、椰菜花、甘笋和薯仔等，份量都唔少，满足健康要求。意粉煮得啱啱好，外软内烟韧，以微辣嘅咖喱汁伴吃，惹味非常。两个套餐都配有热饮、冻饮+$3、鲜奶+$6、特饮+$8。两杯饮品嘅表现都唔错，奶茶香浓滑顺、而柠茶嘅茶底亦冲得恰如其份，好够味！
约咗朋友嚟圆方睇戏，入场前先揾间餐厅食个 quick lunch。唔想帮衬快餐店，拣咗溜冰场附近𠮶间「琼芳冰厅」。
据知餐厅嘅名字灵感及系来自「琼花」，店内装潢很雅致，用上古典拱门，素色建材、透光玻璃旁栏作装饰，营造出简洁舒服嘅风格，令人耳目一新。
琼芳黯然销魂饭 ($98) 系餐厅嘅皇牌美食，一场嚟到，当然要试下。叉烧采用西班牙伊比利亚黑毛猪现场烧制，食落肉质好松化，肥瘦均匀，蜜味中带焦香。
伴吃嘅太阳蛋，水准亦不遑多让，蛋黄超流心，而且仲要系打孖上、份量十足，入口蛋香味浓，再配上秘制头抽，用嚟佐饭真系一流！
另外仲点咗客星洲咖喱杂菜牛肋条意粉 ($98)，厨师出手好豪爽，牛肋条有 5 大件，肉质肥美，食落超级松软兼入味，加上浓香得嚟更带少许椰香嘅咖喱，真系令人食指大动！
杂菜有西兰花、椰菜花、甘笋和薯仔等，份量都唔少，满足健康要求。意粉煮得啱啱好，外软内烟韧，以微辣嘅咖喱汁伴吃，惹味非常。
两个套餐都配有热饮、冻饮+$3、鲜奶+$6、特饮+$8。两杯饮品嘅表现都唔错，奶茶香浓滑顺、而柠茶嘅茶底亦冲得恰如其份，好够味！
张贴
