摩登堂 (荃灣廣場) (已結業)

朋友知我钟意食泰国菜，系荃湾广场揾左呢间坐得非常舒适嘅泰国餐厅。餐厅提供好多种类嘅泰式料理，睇到我都心大心细，样样都想试。佢窗边仲有卡位，真系够晒阔落，约朋友见面食饭就啱晒。点左以下几款食物：沙嗲猪肉串烧需要至少order三串，酱汁好惹味，咬到粒粒花生，猪肉串烧啖啖肉又烧得够香。青咖哩鸡肉用个金色煲仔装住，几有泰国气息，又俾个热炉热住食，唔会变冻令到啲咖哩变到结挞挞，赞！再点左油酥饼搭配，沾满微辣青咖喱汁，咬落少少脆口，香浓好滋味！曼谷蟹肉蟹黄炒饭份量十足，非常吸睛，材料丰富，炒得非常干身香口，加埋蟹肉同蟹黄，啖啖唔同口感味道，唔会太咸太油，好食！点杯芒果糯米饭雪糕作甜品画个完美句号，雪糕非常香甜，好味道；芒果又系甜，仲有芒果嘅清香；伴有少少糯米饭暖暖地，食落去够烟靭，连甜品都系咁令人满意！