遙

营业中

休息中

今晚去左土瓜湾揾个旧朋友聚旧，佢话呢头有间日本野好正，话要带我去试下，今晚又有口福喇～去到坐底，梗系开支SAKE摸下杯底，叫D刺身食下先啦。老板娘推介我地开支白雪，叫左个寿司拼盘，三文鱼腩，牡丹虾同赤贝刺身。刺身真系好新鲜，一啖刺身一啖SAKE真系好CHILL～SAKE微甜同浓香米味配刺身真系一流。老板娘好好人仲俾左支TRUFFLE粉我地配寿司食，真系令到个味再鲜左好多。讲到佐酒小食点小得我最爱既鸡泡鱼干。牡丹虾头唔好浪费，整个面鼓汤饮下暖下个胃再到下半场。下半场就系食炉端烧，牛舌好厚大葱都好够味。必点既一定系鹅肝多士！烧出黎唔会好油好滞，系烧得好有水准。最后食埋麻薯做甜品，呢餐真系好满足。