影片
更多
2016-07-21
1055 浏览
难得肥佬美国回港，齐齐食好一点、食特别一点啦 ，黎个洗尘聚旧午饭 ﹗同事们兴致勃勃话齐齐 lunch 去食铁板烧，好 ﹗预埋我黎个 5 人行，原本想食对面间人气铁板烧，但爆场满到泻，唯有退而求其次帮衬出羽樱啰。我无所谓，横掂两间都未试过。首度光临，午市果然非常繁忙，爆场到连櫈都唔够坐，何解又系我坐接櫈呢？有那么利害既武器旁身，最劲系我啦 ﹗早排去稻香饮茶又系我坐折櫈，搞错呀 ﹗算，一向我都系最好相与既。见大部份食客都系 order 套餐，可能抵食又多种类挂，对于舖头及厨师都方便又稳阵许多。我就决定要最贵个樱餐，但居然无芦笋，迫住转金菇肥牛卷，平好多㖞架，系咪个套餐价钱应该扣返少少钱呢？仲有我要坐折櫈啰。虽然有几款套餐供应，但都只系鸡、牛、猪、虾、帆立贝、炒饭、炒乌冬、炒杂菜，选择不多。发现有厨师推介㖞，对眼即刻发晒光，但 lunch 费事食得咁夸张，求其食 set 算喇，要冷静。和风沙律，普通杂菜淋上胡麻酱混黑醋，酸酸甜甜都几好，起码够开胃，如果温度再冰凉一点更好，室温差少少。酱烧鸡扒，计算过樱套餐份量唔够我饱，另外要多份鸡扒就稳阵喇。不过块鸡扒好细件啊，只有半块，执底既日式炒什菜我完
首度光临，午市果然非常繁忙，爆场到连櫈都唔够坐，何解又系我坐接櫈呢？有那么利害既武器旁身，最劲系我啦 ﹗早排去稻香饮茶又系我坐折櫈，搞错呀 ﹗算，一向我都系最好相与既。
见大部份食客都系 order 套餐，可能抵食又多种类挂，对于舖头及厨师都方便又稳阵许多。我就决定要最贵个樱餐，但居然无芦笋，迫住转金菇肥牛卷，平好多㖞架，系咪个套餐价钱应该扣返少少钱呢？仲有我要坐折櫈啰。
虽然有几款套餐供应，但都只系鸡、牛、猪、虾、帆立贝、炒饭、炒乌冬、炒杂菜，选择不多。发现有厨师推介㖞，对眼即刻发晒光，但 lunch 费事食得咁夸张，求其食 set 算喇，要冷静。
和风沙律，普通杂菜淋上胡麻酱混黑醋，酸酸甜甜都几好，起码够开胃，如果温度再冰凉一点更好，室温差少少。
酱烧鸡扒，计算过樱套餐份量唔够我饱，另外要多份鸡扒就稳阵喇。不过块鸡扒好细件啊，只有半块，执底既日式炒什菜我完全唔食架，只系芽菜同椰菜，完全唔合我口味。鸡肉嫩滑沾上甜甜照烧酱都合格，无惊喜的唔难食。
大虾，最正系佢呀 ﹗爽弹而虾味浓，刚刚好又无过熟，肉汁依然，炒出黎香喷喷。帆立贝，两面金黄香口微微燋香，里面棉棉，不过不失。最爱吃橙色内脏，甘甜弹弹好好食。金菇肥牛卷，肥牛依旧又干又鞋又硬又无味啰 ﹗
牛肉薄烧，早年系 The One 烧海贺食过 3 成熟，又嫩又滑。依份就熟到干鞋硬，强差人意，其实只需要略煎几炒就可以啦。馅料只用葱花，炸蒜撒系上面。如果跟烧海贺一样炸蒜同葱花都系包系牛肉里面就更有香味，味道更浓郁。炒杂菜，又系芽菜及椰菜为主，多左几条甘笋丝，全部我都唔多食既，唯有转赠同事们。
雪餐有三文鱼、帆立贝、鸡扒，日式炒杂菜垫底。除左帆立贝味道、质感叫做好少少外，鸡扒及三文鱼同样煎到干争争、硬柴柴，而且调味怪怪的。不喜欢，其实同上之黎既质数差不多，都明白红磡区 lunch 铁板烧会系点既。
日式炒饭，原本个套餐只包白饭，转炒饭加 HKD10 蚊。无味既？湿淋淋又有点烂，香气欠棒，镬气就更加无，味道单调又 dry ﹗我要落辣椒仔捞饭先掂，免强吞左半碗，食两啖算罢啦，so sorry 喇。
面豉汤，居然系食晒个餐最后先到啰，您估甜品咩。简单又稳阵，味道同温度都过关，非常朴素，豆腐、菇菌都无粒，坚系斋冲出黎㖞，即冲面豉汤包。
现在报时 13:55 分，全部食客都走晒喇㖞，连厨师们都去左休息喇 ﹗即时清静晒，好舒服呢 ﹗但我地同样都要埋单返公司工作啊，无缘享受这一刻。清场后先可以留意到内笼装饰摆设呢，整整齐齐都几骨子，虽然外观已有点残旧。以铁板烧黎讲，依个价钱都合理，食鸡牛猪最平，海鲜最贵。
和风沙律
33 浏览
0 赞好
0 留言
和风沙律
20 浏览
0 赞好
0 留言
酱烧鸡扒
39 浏览
0 赞好
0 留言
樱餐：大虾、帆立贝、金菇肥牛卷、牛肉薄烧、炒杂菜
14 浏览
0 赞好
0 留言
雪餐：三文鱼、帆立贝、鸡扒、炒杂菜
50 浏览
0 赞好
0 留言
日式炒饭
32 浏览
0 赞好
0 留言
日式炒饭
53 浏览
0 赞好
0 留言
面豉汤
13 浏览
0 赞好
0 留言
面豉汤
25 浏览
0 赞好
0 留言
张贴
