聚興家

营业中

休息中

同男朋友收工之后，佢带我去食屋企附近一间小菜，话几个月前佢睇饮食男女定果籽讲连啲酒店大厨都系系果间食宵夜当饭堂，一路都好想试。我见有啲食评话啲伙记态度好差，我又唔多觉，起码serve我地果姐姐几好礼貌，有问必答。我地今晚人少少都叫左4样野，本身佢仲话想叫鱼头，好在有自知之明得2个人咋。椒盐鲜鱿 - 好脆口，粉唔厚，但系美中不足唔够椒盐果重香。咸鱼茸炒白菜仔 - 叫蒜蓉炒会好食啲，因为唔食咸鱼茸既话就无果重咸香味。金牌蒜香骨-呢个脆得黎又唔太干，正！大千鸡 - 我睇相既时候觉得佢似辣子鸡，唔系咁想试，不过男朋友想食就食啦。估唔到超有惊喜。我本身好钟意食麻辣但系又唔系食得辣，一食落去好香麻味又不太辣，最重要系炸得干身唔多油得黎佢又唔会好似以前果啲辣子鸡咁炸到干争争，真心推介。我男朋友话呢度个大厨本身以前系专川菜，所以下次我地谂住再黎果阵要试下口水鸡同剁椒鱼头。