Petit Deli (已結業)

尖沙咀食肆多，除咗各大商场同人流旺嘅大街外，其实一啲较静嘅街仔都有好嘢食架。如果系两个人撑台脚的话，不论系情侣定好朋友，河内道呢间小小西餐厅系一个唔错嘅选择。小小浪漫气氛嘅餐厅铺面，感觉几舒服。几钟意呢度啲drinks。非酒精类有各款唔同嘅冰，呢款红莓滑冰，净系个样已经好可爱Cocktail就点咗Dita Fever，有条荔枝雪条系上面架 Appetizer就点咗香煎鹅肝多士，同埋明太子酱炸薯条。鹅肝多士够香脆，系诚意之选。至于个炸薯条，个明太子酱冇得输，衬落鲜炸嘅薯条度效果非常好。龙虾汤，通常够味足料就好好饮，呢度做到了主菜嚟喇！呢个系带子墨汁阔面。呢款pasta味道够鲜，啱我口味。厨师推介：烧美国黑啤猪鞍扒配蜜糖烧烤汁。猪扒嫩滑之余又够晒入味，系整晚嘅highlight。红色𠮶啲系加入红菜头嘅薯蓉，够晒特别。总括来讲呢度啲嘢食都好有诚意，食得出系有俾心机去制作。服务亦非常好。