影片
更多
2010-12-21
10 浏览
昨夜去铜锣湾参加新年旅行团，顺便上开饭睇有乜介绍，就选咗神屋流博多道场试下，因为话佢串烧唔错！去到道场差不多八点十分，要等约五分钟至入座，招呼尚算好。由于有餐牌内食物照，就决定试佢出名嘅牛肠锅。侍应提点牛肠有啲靭，亦建议叫拉面或乌冬。由于乌冬单叫$65，老婆就叫五岛乌冬﹝都系$65!﹞。先讲鸡中翼：烧得皮脆，亦唔太咸，以水准嚟讲属于中上。咁嘅价钱($26蚊两件!)其实可以用新鲜货会仲好啲！生蚝烟肉卷：中规中矩，烟肉味略嫌盖过蚝鲜味，会建议用大少少嘅蚝可能效果会好啲！原本应该三件，不过食咗一件至记得影，锁你！牛肠锅﹝猪骨汤底﹞：既然系出名，味道当然唔错，尤其牛肠相当肥美！主要系唔好烚过笼以致过靭！如果用净拉面或乌冬可能会更好味！五岛乌冬：食个阵至知衰咗！牛肠锅汤底味浓，虽然五岛乌冬味无咁浓，但系食过牛肠锅汤再食五岛乌冬就过咸，系自己叫错，唔怪得人！烧三文鱼腩：相当肥美，烧得正！如果有柚子汁淋上去会更好啲！烧牛舌：因为想等埋烧三文鱼腩一齐影相搞到冻咗，下次都系食咗至讲！全晚消费$375，在铜锣湾区属合理，下次都会试！
去到道场差不多八点十分，要等约五分钟至入座，招呼尚算好。由于有餐牌内食物照，就决定试佢出名嘅牛肠锅。侍应提点牛肠有啲靭，亦建议叫拉面或乌冬。由于乌冬单叫$65，老婆就叫五岛乌冬﹝都系$65!﹞。
先讲鸡中翼：烧得皮脆，亦唔太咸，以水准嚟讲属于中上。咁嘅价钱($26蚊两件!)其实可以用新鲜货会仲好啲！
生蚝烟肉卷：中规中矩，烟肉味略嫌盖过蚝鲜味，会建议用大少少嘅蚝可能效果会好啲！原本应该三件，不过食咗一件至记得影，锁你！
牛肠锅﹝猪骨汤底﹞：既然系出名，味道当然唔错，尤其牛肠相当肥美！主要系唔好烚过笼以致过靭！如果用净拉面或乌冬可能会更好味！
五岛乌冬：食个阵至知衰咗！牛肠锅汤底味浓，虽然五岛乌冬味无咁浓，但系食过牛肠锅汤再食五岛乌冬就过咸，系自己叫错，唔怪得人！
烧三文鱼腩：相当肥美，烧得正！如果有柚子汁淋上去会更好啲！
烧牛舌：因为想等埋烧三文鱼腩一齐影相搞到冻咗，下次都系食咗至讲！
全晚消费$375，在铜锣湾区属合理，下次都会试！
张贴
