楚撚記大排檔 (馬頭圍道) (已搬遷) 新店位置

有香港风味嘅大排档实在买少见少。但都比我系土瓜湾揾到一间撚手小菜同镬气小炒都好受欢迎嘅楚撚记，佢嘅室内用餐环境舒适，约埋亲友晚饭宵夜直落啤一啤，一乐也！菠萝拔丝咕噜肉，呢味𩠌每枱客人都会叫，受欢迎程度极高，上台见到份量都好多，加上拔丝卖相极精致，用梅头肉做肉质特别香腍软滑，酱汁味道酸甜极滋味！枝竹火腩豆腐煲，热辣辣香喷喷上台，火腩炆得稔香，枝竹、豆腐、冬菇吸尽酱汁和火腩的精华，非常惹味！鲍汁海皇福建炒饭，份量十足兼且非常足料，炒饭香喷喷，软硬适中又有镬气，配料爽口，献汁加有鲍汁，啖啖都充满鲜甜味。番薯糖水喺店家奉送，糖水甜度刚好，姜味香浓，番薯林甜！