名人私房菜 (已搬遷) 新店位置

老友话约系呢度食私房菜，好啦既然吹到鸡，又讲到私房菜唔系成日有机会食，当然赏面啦。一黎先饮碗猪肺汤先，一饮就知道系老火汤，仲要系足料果只添，味道系相当甜又够晒润肺呀。第一道菜系糯米鸡呀，将原只鸡用荷叶蒸，糯米将原只鸡既精华吸收晒，所以相当入味。至于鸡肉够弹牙，糯米又够口感，唔错。再黎系水蟹蒸蛋白，蛋白蒸到相当嫩滑，口感滑到入喉咙，味道丰富，将水蟹果阵鲜味渗晒入去，仲有花雕酒既独特味道，令蛋白味道更鲜更好味。跟住碟海鲜系鼔汁蒸白鳝，白鳝相当肥美，令人爱不释手，白鳝肉质更加系劲嫩滑，表面既脂肪与肉质混合，更觉鲜味，当然份鼔汁相当惹味呀。南乳炸猪手系今晚最后既𩠌，炸猪手阵皮相当脆口，猪手肉炸完都好够滑溜，至于味道就充满南乳味道，仲系相当入味添，惹味之选呀。