龍鳳冰室 (惠安苑) (已搬遷) 新店位置

平时帮衬开的茶餐厅装修，醒起附近开了一家这样的「冰室」，抱著试吓新嘢的心态见识吓啰。 一入到去已经觉得唔对路，完全系好似有啲人去到一啲地方会feel到阴气一样。成个装修就系用夸张手法将冰室感觉演绎出来，满眼都是红、黄、绿，好多明星相，差啲以为去咗东华三院。 水吧大大只字写住「菠萝冰」「杂果冰」再横放四个大字「香滑奶茶」，呢啲装修应该系要吸引唔知咩叫茶厅或者冰室嘅人，例如鬼佬或者鬼仔、鬼妹，诸如此类。 一望个早餐牌，ABCD 4 款，想食A餐，但系有我冇兴趣菠萝包，改多士要加5蚊，要牛油又另加三蚊，点呀⋯⋯ 算啦，要个C餐，沙嗲牛肉汤面，汤咩面唧？咪又系公仔面？沙嗲牛肉味道一般，好多味精，而且系沙嗲牛肉丝；仲有唔知做咩又会有啲粟米，成件事不伦不类。 好嘞杯茶，做咩用rock杯呀？细杯到呢，啲茶好贵咩？得啦，呢啲地方见识一次够啦。