影片
更多
2022-08-13
29 浏览
第一次跟朋友过黎食，听讲佢个多士好好食，所以我地每人叫左一份toast同埋一杯野饮，再外加一个lemon cake同tiramisu，埋单都系240几蚊，算系性价比几高嘅cafe。Toast🥪 我叫左Tridente toast，佢系有茄子、风干火腿同埋芝士做馅，首先佢多士面包皮真系好好食，有烘干感完全唔会干身同硬口，绝对系我食过最好食嘅toast之一，之后一入口系有好重好重嘅调味茄子，好惹味同惊喜，唔系一般三文治会有嘅味，但系就有小小盖埋茄子同埋火腿原本嘅味，算系轻食中重口味嘅好食，好值得一试。Mocha latte🍵至于抹茶拿铁就一般，粉味有啲重，去到最后仲会饮到粉粒，不过都饮得出系有啲水准嘅抹茶，唔会太死甜同有回甘，接受到粉感嘅抹茶控可以试下。Tiramisu 🍰老实讲有小小失望，因为价钱都偏贵，但食落就小普通，底下咖啡味系出但略嫌奶味唔重。Lemon cake🍰柠檬蛋糕就好有惊喜，一开始见佢外型普通价钱又平，以为好普通，点知食入口佢除左好清新之外，仲会好“酸”，但个个酸系低调嘅橘类酸，会令人想继续食嘅酸，同埋一上枱衬热食仲有外脆内软感，值得一试。整体黎讲唔错，人流都偏小，系可以
Toast🥪
我叫左Tridente toast，佢系有茄子、风干火腿同埋芝士做馅，首先佢多士面包皮真系好好食，有烘干感完全唔会干身同硬口，绝对系我食过最好食嘅toast之一，之后一入口系有好重好重嘅调味茄子，好惹味同惊喜，唔系一般三文治会有嘅味，但系就有小小盖埋茄子同埋火腿原本嘅味，算系轻食中重口味嘅好食，好值得一试。
Mocha latte🍵
至于抹茶拿铁就一般，粉味有啲重，去到最后仲会饮到粉粒，不过都饮得出系有啲水准嘅抹茶，唔会太死甜同有回甘，接受到粉感嘅抹茶控可以试下。
Tiramisu 🍰
老实讲有小小失望，因为价钱都偏贵，但食落就小普通，底下咖啡味系出但略嫌奶味唔重。
Lemon cake🍰
柠檬蛋糕就好有惊喜，一开始见佢外型普通价钱又平，以为好普通，点知食入口佢除左好清新之外，仲会好“酸”，但个个酸系低调嘅橘类酸，会令人想继续食嘅酸，同埋一上枱衬热食仲有外脆内软感，值得一试。
整体黎讲唔错，人流都偏小，系可以独自chill嘅地方，偶然系附近都会想再食番佢个toast同lemon cake，系会回头嘅餐厅。😋
1 浏览
0 赞好
0 留言
张贴
