蟹仙華舫

营业中

休息中

今日约咗朋友去鲤鱼门食海鲜，见到码头新开左间蒸海鲜餐厅，价钱合理，我哋就入咗去食。餐厅环境有一大片玻璃窗，一望出去就系美丽嘅海景，环境一流，餐厅仲有个后门俾你走出个天台，天台摆满好多枱凳，俾你可以坐喺度慢慢欣赏海景。我哋去到𠮶阵时，差不多日落，虽然今日有骤雨，天空都几多云，见唔到日落，但仍然见到晚霞，天空渐渐变成橙红色，而家已经好靓，如果好天，应该见到日落，应该靓到不得了。我哋叫咗个一个海鲜套餐，海鲜包括膏蟹、石斑、龙虾、鲍鱼、大赤虾、青口、白刀背、翡翠螺、珍珠蚝及蔬菜篮，海鲜都很新鲜啦，非常之鲜甜，令人食不停口，而蒸海鲜嘅同时，下面有个粥底，吸收晒海鲜嘅精华，加埋粥底有粟米同芋头等，非常之美味鲜甜。整个餐非常之丰富，而且看住呢个美景，和朋友倾住计，叹住美味嘅海鲜，真系人生一大快事。