Yamm

营业中

休息中

大家都知自助餐有好多野食，好难三言两语评论每种食物，所以我选择介绍下几种比较特别嘅食物，再讲下整体感觉。Yamm嘅环境装修唔错，尤其天花上嘅吊灯，甚有气派，不过眼前美食可能更吸睛。呢度食物种类唔算太多。但有几样值得食: 蟹钳，够鲜味，肉质结实，唔会水汪汪。全条烤猪肋骨和西冷牛扒呈现眼前，还有全块烧猪颈肉，全条猪肋骨及全块烧猪颈肉好少自助餐有得食，味道好，做得一啲都唔马虎，另一边仲有烧羊架，不过无影相，而味道就无得弹。Tiramisu 用传统Lady Finger整，唔系一般自助餐用蛋糕冒充，可能自助餐老少咸宜，无加入橙酒，但呢个Tiramisu咁原汁原味制造，一定要食。其他嘅食物无咩比较特别，但卖相都相当好。Yamm自助午餐唔平，以食物种类就觉得有啲唔扺食，不过如果大家喜欢食肉，喜欢食下蟹钳和虾，甜品食下Tiramisu和Häagen-Dazs雪糕，应该可以回本。