肯德基家鄉雞 (KFC) (已結業)

有coupon就黎呢度擦一餐，有个$31.8既餐。有大既鸡皇饭、两旧鸡同墨西哥脆脆及菠萝特饮。我又唔想饮呢只，佢话唔转得。咁多限制架，算啦优惠就系咁。有分店无呢只特饮供应仲要俾番汽水你饮，咁仲唔化算。香辣脆鸡调味可以浓，鸡都唔错既，辣辣地好惹味。不过炸鸡最好都系pizza and chicken。墨西哥脆脆新鲜炸起，所以唔错既。最好既都系芝士酱，脆脆点呢个好衬架。只不过芝士酱得小小，就唔多够。鸡皇饭虽然份量比以前既细，但料都唔错既。起码好重奶油味，咁都无野好讲。饭都可以整得烟韧。菠萝特饮系罐头菠萝加七喜。杯野真系叫菠萝特饮，因为好多菠萝，差唔多有杯。都算几好饮，但我觉得麦记既仲好饮。其实都几抵食，但饮品选择太小啦。下次都系留意清楚啦。