Mr. & Mrs. Cat & Dessert Cafe (已結業)

爱摄影的我，已经有好一段时间没有拍摄猫，最近又萌生了这个念头，所以今天就到了这里。位于铜锣湾闹市中的楼上铺，地理位置非常之好。餐厅内布满一个个高低台，方便啲猫跳黎跳去。其实一入到餐厅，已经见到好多猫喺度，不过全部都训晒。餐厅除咗餐牌之外，仲有猫牌，猫牌上边介绍餐厅有嘅每一只猫，其中深刻印象系有一只猫叫做张志明，但系唔知点解无春娇。讲返餐牌，都系一般猫cafe有嘅食物同埋饮品。手工果茶手工果茶一渣上，见到茶里面好多果肉，倒落杯仔饮之后，发现果茶啲味道几浓，有少少酸酸涩涩，味道唔错。冷洞庭乌冬配自家调配铿鱼昆布汁首先将乌冬加入自家调配铿鱼昆布汁，捞匀之后再食，味道有少少酸酸地好开胃，而且乌冬好爽口又滑如果可以有埋𩠌，肯定更加吸引。玫瑰花雕猫鸡翼店员会将一个玻璃瓶， 拎到你嘅枱前。原来将玻璃瓶打开，醉鸡就已经喺里面仲有花雕浸住。未食已经闻到好香嘅花雕味，入口更加完全感受到，花雕酒完全深入鸡翼入面，非常入味。食饱之后又继续玩猫，当然要拎部相机出嚟，同佢拍返写真。之前去过其他猫餐厅，都会因为果度嘅猫太活跃，所以影唔到佢哋。反而今次啲猫唔系话好活跃，咁我就可以慢慢影饱佢。