Paul Lafayet (已結業)

之前订左蛋糕今日去攞，下昼4点去到唔见有人系舖度，由于我赶时间， 于是问下舖头旁边其他嘅店员知唔知个staff去咗边,佢哋都话唔清楚， 由于店舖个电话系一个手提电话号码， 我唯有尝试打电话过去睇下会唔会有人接听， 于是果然我只系听到店舖有电话响…… 而一直都唔见有staff返嚟…… 店铺净系放左两个牌，一个话行开咗叫客人等一阵再返嚟，一个就话系午饭时间…… 我谂冇理由四点几先食饭㗎，谂住佢可能去咗洗手间或者行开左，过一阵返嚟喇于是我唯有去过洗手间，再返嚟睇下啦，都系冇人……咁我去citysuper行两个圈啦，都冇人…正准备放弃之际终于先返黎， 虽然最后都攞到个蛋糕但系真系即到一肚气…上公司个网又净系得分店电话， 打极去分店都冇人听有冇人， 等半个钟都唔知𠮶个人几时返， 本身个蛋糕又唔系平仲要我嘥啲咁嘅时间！ 有冇总店电话投诉都唔知可以去边。建议真系放饭都写埋俾人知你放饭由几点到几点会冇人系度，等客人有个预算几点返黎。行开都可以写大概几多分钟咁，唔好乜都冇，4点几仲放紧lunch？仲要唔知等几耐先见人！蛋糕系唔差的，但唔系惊为天人咁好食啰，但咁嘅服务真的令我不会再帮衬！