大記攦粉糕點專門店 (已搬遷) 新店位置

今次专诚过去订糕过年，顺便食个lunch...食过萝卜糕，觉得佢哋D糕够足料。有咗信心，决定订D嚟试下...今次坐低叫咗件煎萝卜糕，发觉都系蒸嘅好食D，因为佢哋嘅糕嘅质感较软，萝卜丝份量亦足，所以煎起上嚟就会比较淰pat pat，冇咗口感...再试佢哋嘅招牌攦粉。先喝一口汤，有D过咸；再吃一口攦粉，质感冇从前嘅烟韧，只觉食紧一条条粗粗嘅米线，可幸仍然有米香，未致于一无是处...来个酱醋骨墨鱼卷双并。酱醋骨一半份量炆得不够淰，亦不够入味，一嚼即吐，另一半则还可以，可见水准不稳定；墨鱼卷除了啄碎墨鱼外还有虾，新鲜现炸，口感弹牙，食唔出有沟过粉浆，确实真材实料...睇嚟佢哋应该要改名，净系叫"大记糕点专门店"先啱...