影片
更多
2009-08-14
57 浏览
我地班“搅搅震食友”又出动啦!本来是想拣食越南或印尼菜,但真系拣来拣去都拣唔啱。最后拣咗由(嘞底，最终无露面)既P君提供的埃及菜“Habibi".“Habibi Cafe"应该开咗好耐,现在位置你威灵顿街近上山电梯旁,对我地班九龙友都唔难揾。订位时讲明会好嘈，但都无俾最尾的小房间，只是安排坐尾的长枱。7点半，10个人都算准时到，餐厅狭长，环境都几舒服。旁边两枱外籍人士都嘈架，嘈斗嘈，无问题吖！虽然去过埃及又参考过Openrice，但打开本Menu都唔知点叫。南亚籍待应又唔肯先倒冰水（只有Still water,可能怕我地悭皮唔叫饮品）。以为如前人介绍般有待应介绍点叫，对唔住，系无人理。我就俾friend嘈。好啦，我黎组织吓。无人饮酒，放低wine list 睇吓 拣乜,系笔记度揾咗几只人地介绍嘅再对番drink list个名点了以下几种：1。Karkadeeh (Iced Hibiscus) $30 - 大红花茶，似利宾纳味2. Iced Mint tea $30 - 冻薄荷茶3. Iced Lemon tea $30 - 冻柠茶4. Lemonade $35 - 柠汁5. Tam
“Habibi Cafe"应该开咗好耐,现在位置你威灵顿街近上山电梯旁,对我地班九龙友都唔难揾。订位时讲明会好嘈，但都无俾最尾的小房间，只是安排坐尾的长枱。7点半，10个人都算准时到，餐厅狭长，环境都几舒服。旁边两枱外籍人士都嘈架，嘈斗嘈，无问题吖！
虽然去过埃及又参考过Openrice，但打开本Menu都唔知点叫。南亚籍待应又唔肯先倒冰水（只有Still water,可能怕我地悭皮唔叫饮品）。以为如前人介绍般有待应介绍点叫，对唔住，系无人理。我就俾friend嘈。好啦，我黎组织吓。无人饮酒，放低wine list 睇吓 拣乜,系笔记度揾咗几只人地介绍嘅再对番drink list个名点了以下几种：
1。Karkadeeh (Iced Hibiscus) $30 - 大红花茶，似利宾纳味
2. Iced Mint tea $30 - 冻薄荷茶
3. Iced Lemon tea $30 - 冻柠茶
4. Lemonade $35 - 柠汁
5. Tamr Hindi （Tamarind) $30 - 似浓酸梅汤，放少d糖水都入唔到喉
6. Tea $28 - 热茶，小茶壶上。
7. Iced Lemonade Rose tea $30 - 柠汁加了玫瑰味，几幽香。
8. Coffee $30
9. Espresso $30
***** 好处是糖水分开上，要几甜自己搞。 跟住才有人问要不要 tap water 水喉水，好呀，甘甜上D冰水呀。
到点菜嘞，因为陈小姐好多野都唔食（例如羊喇），要好小心地平衡个莱单。
前菜(分冷热：Cold/Hot Mezze) 有：
Cold
1。Hummos $25 - 鹰嘴豆蓉酱, 一般
2. Babaganough $30 - 烤茄子伴鲜乳酪酱. 几好味
3. Halloumi (跟埃及包6件) $50 - 唔错
4. bread (加份包) $12
Hot
1.Kofta Al Gabal $40 - 蕃茄酱羊肉丸 OK
2.Dawud Basha $40 - 蕃茄烘牛肉丸 OK
3.Kibbeh Dani $55 - 唔记得系乜添
主菜：
1. Mussaka Veg $145 - 依个系素，d菜好味，薯块，茄子等。跟饭
2. Mussaka lamb $145 - 依个系加多羊肉，d菜好味 跟饭（厨师推介）
3。Gambari Firik $180 - 酿春鸡（酿枣子，提子，干果等）无骨几好味
4. Mashwiaat $200 - 即系什扒，有羊扒，羊卷，串烧鸡肉，牛肉（奇硬）
5。Firahk Zaatar $150 - 烤全鸡,有洋葱等，无骨几好味。
6. Kosa Mahshiya $150 - Zucchini（翠肉瓜）酿碎牛肉，干果乳酪，跟饭。几好味。
*** 跟饭有不同的米，有跟红米，有跟混了薏米，有跟香米。但己记不起来谁配谁，但几特别，好味。
甜品：
1。Shoukolata $35 - 焗朱古力浆，似心太软。香浓。
2。Helue Al Sham $50 - 杂锦中东甜品碟，有椰挞味饼仔，核桃果仁味饼仔， 加奶油。食落似中国旧式饼食。
不唔系有肚皮舞表演咩？答案系无既！系到聚会都好自由自在，舒服。转眼都十点几，客人渐少了。又是散会时间。埋单连加一，$2096. 每人$220 喇。
(无带相机, 手机影又太黑. 相片参考他人吧! )
张贴
