米蔥動

营业中

休息中

细个出世就已经住喺西环呢头，结咗婚之后就好耐再无踏足呢个地方了。难得经过见到一间有台湾菜既小店，就一于入去支持吓。虽然店里大约得10个座位，但见到有著住米葱动既T-shirt夫妻档经营，净系呢个举动都令我觉得佢哋相当认真。必食： ✨话梅冻猪手好少台湾菜有得食呢个菜式，初时见到个卖相以为系好肥既猪手，点知一口咬落去好香话梅同有用酒浸𠮶啲猪手好好食，肉质好腍，食完一嚿好快再想食第二嚿。✨糖心皮蛋冻豆腐豆腐嫩滑，配上皮蛋有糖心嘅口感，而且会有啲肉碎紫菜放系豆腐面几特别。✨人气特浓台式牛肉面牛肉面最紧要个汤底，汤底浓郁，但唔油腻，已经好紧要喇，牛肉系牛筋牛腱好淋好入味，配上白萝卜，红萝卜好清甜。✨炭烧乌龙珍珠奶茶正常味道，珍珠烟靭，好大杯饮唔晒要拎走。总括呢间小店规模虽然少，但睇得出系用心经营，价钱合理，而家系香港做小店真系好困难，希望呢啲小店可以一路继续keep落去。