千家客 (已結業)

今日系佐敦见完客，就同同事一齐食个快晏，路过上海街见到千家客，见装修都几舒服，就入去试下。坐低睇餐牌，又好多选择㖞，又粥又面，最后我拣左最传统既云吞面，仲好细心有大小之分，岩岩成日话要减肥既女士。哗哗哗！好耐冇食过咁传统既味道，真系好多好多年前既味道呀！云吞唔算好大粒，但胜在足料。最值得一提系个面，劲弹牙！好似以前既竹升面咁！一定要试下！同事就食皮蛋瘦肉粥，完全冇加味精，但都好够味，足料！另外同事就食牛筋腩捞，面底就唔使讲，正！牛腩就稍微唔够林，最林d就好了！PS 希望香港再多d呢只传统小店，可以食返以前既味道啦！同埋，可以继续偷食同事果份。哈哈！