Burger Shot

营业中

休息中

呢度附近都比较多小店嘅食肆，今日拣嘅系burger🤭🤭餐厅做紧嘅lunch set都望落几吸引，但我哋因为晚市，所以选择咗叫咗个二人餐。我哋拣咗烟肉千岛芝士热狗，安格斯牛肉芝士汉堡，薯条配蜜糖芥末，再加个吉列炸虾。热狗嘅包超级软熟，而且芝士拉晒丝，佢嘅酱汁都好多。之前我都喺其他热狗专门店食过，但我几钟意依一间嘅热狗唔会太过咸，食落去个调味啱啱好。再加埋千岛酱有少少酸酸甜甜咁，都好开胃。安格斯牛肉芝士汉堡嘅份量都唔细，但系因为我钟意一啖咬落去就可以食晒咁多种配料，所以唔会拣啲太巨型嘅，佢呢个嘅size就啱啱好。块牛肉又厚又爆汁，真系值得一试。因为汉堡都几惊喜，所以我另外叫多咗个炸鸡蒜香野菌芝士汉堡。佢嘅配料好丰富，外脆内软嘅炸鸡配埋啲生菜丝都几正。炸物全部都系即刻炸出嚟，上嚟嘅时候超级热。薯条外脆内软，配埋个蜜糖芥末，都几好食。佢嘅酱都几多选择，下次都想试吓其他味。嘢饮我哋拣咗个白桃爆爆同埋梳打水。白桃爆爆有爆爆珠，白桃味有少量糖浆，加埋啲梳打水落去，特别清爽。如果想饮冇咁甜嘅人可以唔使搞咁均匀。如果餐厅有位嘅话都建议大家可以堂食，毕竟热辣辣整出嚟一定系最好食。