B.Two House (已結業)

星期六系呢边做完运动，之后当然要食返啲野补充能量😌下午茶想食轻量啲，睇返to go list发现呢间小店🤤🤤主打面包呀bagel呀沙津呀等轻量小食，都系我喜欢既类型㖞。咁岩果日星期六小店收五点，我果时都就快四点半，立即狗冲😂😂😂好彩仲有人😌😌食客都仲有两三枱，拿拿临叫左个下午茶C餐～烧芝士牛油果酱栗米蔬菜墨西哥卷😍五分钟左右，墨西哥卷送到😆卖相几靓👍🏻卷物暖暖地，舖上原块芝士，轻轻烧过，所以芝士呈半融状态😆大量既生菜啦栗米啦蕃茄😋塞满成条墨西哥卷！！牛油果酱唔算好出，但成件事好fresh😌😌成条墨西哥卷无肉都好好味！！食到成只手都有汁酱，有啲论尽🙈旁边有少量沙津陪衬，其实都系卷物里面既野😂😂😂总括黎讲好钟意小店，感觉好家庭式😂服务都好好，又有礼貌又好笑容😌食物质素都好好，想食轻量野呢到有，想食饱既饭呀意粉呢到都帮到你😆😆见到餐牌太多野想食🤣🤣🤣下次一定食佢地主打既bagel呀😍