鳳鳴居

营业中

休息中

嚟到上水一定系去凤鸣居食米线，之前嚟过两次印象就系平靓正，而今次再奔住醉鸡米线而去，一排无食真系有啲挂住。醉香鸡汤米线鸡汤走滋润路线，超级甜嘅汤头，就好似用咗无数粒红枣去煲咁。反而醉嘅部分酒味就未算好出！鸡肉有好多旧，咁啱今日呢碗鸡髀又有鸡翼又有鸡胸又有，平时钟意食鸡髀嘅我就偏爱鸡髀部分啦！鸡肉方面都好嫩滑，蘸下佢地自家制嘅辣椒豉油就啱啱好啦！米线属于偏粗身及滑个只，如果追求口感弹性个种就未必啱啦！我个人嚟讲就接受到嘅。另外仲有红枣同木耳，木耳超大一块，份量作为配料确实量多，真系好佛心嘅店家。如果木耳都入埋鸡汤嘅味道就更佳！对比上一次嚟食嘅喇沙汤，我会投喇沙汤一票，惹味又过瘾啲。