影片
更多
2015-09-27
921 浏览
今年食过好多月饼，有奶皇、白莲蓉、豆沙、冰皮等等，不过讲到够诚意，也不及传统嘅金腿伍仁月。家中父母好钟意食金腿伍仁月，市面上也买少见少喇！当人人都买大品牌嘅月饼时，小店更应值得支持！父母知道我订咗金记冰室嘅金腿伍仁月，佢哋就成日追问我几时有得食。（8月31日前订有＄228优惠）到9月24日凭咭拎月饼，先知店外贴咗张海报「所有月饼已售完」字眼，小小冰室竟然咁受欢迎！好在我仲有盒！嘻嘻！哗，以纸盒同纸袋包装月饼，加上传统嫦娥插画，好怀旧嘅感觉！我拎住呢个纸袋返屋企，见到啲人望望下，哈哈～打开盒，就见到4个独立包装大大个月饼，仲有刀同小叉附送金记冰室好强调100％香港制造，且不加防腐剂同化学添加剂，食得安心又放心。用刀切开，见到用料好丰富！有多种果仁，仲有鲜果干，饀料夹杂住丝丝金华火腿，父母急不及待想拎嚟食喇！其实我细个见到伍仁月都怕怕，都唔明点解父母咁钟意食。可能我依家年纪亦开始大了XDDD开始对伍仁改观，觉得系另一种味道，就好似苦瓜咁，去到某一个阶段，你就会体会到佢嘅甜味架喇！妈妈食咗4分1个，话「唔甜㖞！而且好足料！唔太腻」，正当佢想再食多件时，就比我制止喇！我话：「喂～～ 少食多滋味
家中父母好钟意食金腿伍仁月，市面上也买少见少喇！当人人都买大品牌嘅月饼时，小店更应值得支持！父母知道我订咗金记冰室嘅金腿伍仁月，佢哋就成日追问我几时有得食。（8月31日前订有＄228优惠）
到9月24日凭咭拎月饼，先知店外贴咗张海报「所有月饼已售完」字眼，小小冰室竟然咁受欢迎！好在我仲有盒！嘻嘻！
哗，以纸盒同纸袋包装月饼，加上传统嫦娥插画，好怀旧嘅感觉！我拎住呢个纸袋返屋企，见到啲人望望下，哈哈～
打开盒，就见到4个独立包装大大个月饼，仲有刀同小叉附送
金记冰室好强调100％香港制造，且不加防腐剂同化学添加剂，食得安心又放心。
用刀切开，见到用料好丰富！有多种果仁，仲有鲜果干，饀料夹杂住丝丝金华火腿，父母急不及待想拎嚟食喇！
其实我细个见到伍仁月都怕怕，都唔明点解父母咁钟意食。可能我依家年纪亦开始大了XDDD开始对伍仁改观，觉得系另一种味道，就好似苦瓜咁，去到某一个阶段，你就会体会到佢嘅甜味架喇！
妈妈食咗4分1个，话「唔甜㖞！而且好足料！唔太腻」，正当佢想再食多件时，就比我制止喇！我话：「喂～～ 少食多滋味，身体健康最紧要，唔好一次过食哂啦！」
张贴
