日新鮮豆漿 (已結業)

喺中环想揾平民价既午餐真系要花多d心机，而士丹利街就有几间，今日第一次试呢间日新鲜豆浆。有日式饭、咖喱、乌冬等便当，又有烧卖、肠粉、豆浆粢饭等，多种类够晒港式小店风味。店内座位唔多，好彩一个人会易揾少少，唔系可以选择叫外卖。叫左一个三色卷冷面，卷物(小黄瓜、青瓜、蟹柳卷)系新鲜即做，有9件咁多。冷面上铺有紫菜丝同葱花，虽然冷面汁略嫌咸左少少，咁当然喺呢一区可以有35蚊一set午餐相对要求就唔会太高啦。仲有自家制啫喱送，食个简单甜点为是日工作天打打气