耀記雲吞麵食

营业中

休息中

支持一下小店，位于佐敦！仲有人情味嘅铺头真系买少见少。原汁牛腩捞面（$40),除左碗面之外，汤就另外上。牛腩腍淋，腩汁好香偏咸配埋面食，就刚刚好。招牌云吞面（$32),有四粒大云吞。入面有大大粒虾，就咁睇样都见到皮薄！好够味，而且汤底都好香浓，唔系淡茂茂！云吞河，都一样咁吸引！不过就好做吸晒d汤，快手食，真系好正！加碟菜芯（$18),鲜甜！餐牌见到有唔少选择，不过偏夜就会卖晒牛肉、鲮鱼球，早d黎就可以试试。好传统，仲系手写餐纸！厨房仲系门口，见到师傅即刻整。