Hooked

营业中

休息中

住這裏附近大概已經有7-8年，這家fish and chips已經有三年，經過無數次也沒有入去試，可能因為覺得佢鋪頭唔夠光鮮。什至其實覺得佢會好快執笠做唔住。點知見到佢幾年都仲喺度，最近又有朋友話好食，所以的起心肝今晚去試吓。首先個老闆係紐西蘭人，佢人幾好幾健談，一定喺度坐鎮。我問佢第一次嚟食有冇介紹，佢就話一定要食佢最拿手嘅blue cod。我叫了一份加薯條，喺度等緊嘅時候，我睇吓個餐牌，原來佢有好多其他嘅嘢，隔離鋪頭都係佢嘅，買新鮮嘅𧐢同魚，佢話嗰啲魚係佢屋企係紐西蘭裏海裏面捉嘅。下次去試吓先。等咗大概5分鐘，食物已經ready啦。其中一樣好欣賞佢嘅就係，佢係唔用膠盒嘅，用幾張紙包住嘢食就Pack俾我走啦。好環保，不愧為鍾意釣魚同海洋嘅人。淨係咁都值得我繼續支持啦。首先講個batter，厚薄啱啱好，條魚肉質好firm,好新鮮。薯條係厚切，炸完之後佢都會king啲油，所以唔會油立立，tar tar sauce 要另外買成為$5。總括來講食物有質素而且又有heart,希望大家街坊都支持下！