籽樂廚房 (已結業)

今日系尖沙咀睇完戏，就想去山林道果边睇下有咩好食。行下行下就见到呢幢新野银座38，睇睇下见到呢间籽乐厨房。上到去见到原来佢地有请到啲弱听同听力有困难嘅人做staff，落单如果有困难都有其他staff可以帮到手。睇左餐牌之后，我地叫左一个餐同散叫左香煎龙利柳拌刁草忌廉汁。个餐上左蒜蓉包，汤同烟三文鱼沙律先。个包好够热够脆，汤就有啲咸，沙律个柚子沙律汁好正。之后就上左个龙利柳先，煎得好香，仲有三粒薯仔，好饱肚。个餐个主菜之后等左一阵就上，我地拣左去骨鸡脾肉配芝士忌廉汁螺丝粉，好够热，同埋芝士好香，啲鸡又好滑，推荐大家可以一试。最后最后就有蓝梅芝士饼同餐饮冻柠茶，两样都无令人失望。啲staff都好有心去做，有时忙左啲就可能要等下佢先serve到你，但都值得一试嘅！