咖啡米子

营业中

休息中

大埔文青cafe小店，主打手工咖啡同埋茶店，而且系低糖，要来支持下。除咗有茶点之外，仲有其他嘅煮食，例如意粉。今日做完gym过去享受下一个人既时光。距离大埔墟地铁站颇远，要转巴士。内里面积不大，装修好文青feel，好多喵喵货品，又有好多书可以慢慢坐慢慢睇。伯爵茶香堤奶油卷有青提子系上面，海绵蛋糕裹住香提cream。入口松软而且伯爵茶香味浓郁，最重要系甜度啱啱好。再咬入半粒提子，提升清新感又可以解腻。Long Black咖啡香味超浓郁，而且入口唔会偏酸。但有少不了咖啡既苦涩味，饮唔惯嘅朋友可以加奶同埋糖。Scone (伯爵茶/原味)有少少失望，原味scone鸡蛋味好重，而且里面好散，一切开就碎晒。伯爵茶味都一样，但系佢个茶味就真系好出众。