綠雅茶檔 (已結業)

系刚刚食完德如感到失望之后，男朋友再带我行返去依间几辟下既茶档，真系小店一间。但系去到果两位阿姨都好nice好笑容咁招呼我地坐，未食都感受到果种人情味。因为刚好到两点下午茶，男朋友叫左西多士、茶走，我叫左奶油脆猪涷啡。试左杯茶走系好惊喜！茶味劲香浓好滑！（其实我从未试过饮茶走唔知咩味）我果杯涷啡都有惊喜，因为一般茶记都系奶茶会比较出色，好少咖啡都会ok。佢唔会太多奶同太甜，咖啡味先会出返。奶油脆猪系烘得刚刚好外脆内软，唔系x华果种硬到掉死人，两个人埋单先60蚊唔使，性价比高，依种小店买少见少，一定再多多支持！