影片
更多
2021-10-29
989 浏览
一直都好钟意揾啲小店系食家常小菜，喺大角嘴做完嘢咁啱经过呢间貌似新开嘅餐厅，见个menu入面好多都系我钟意食嘅嘢，决定试一试！餐厅装修简洁，麻雀虽小但都算坐得舒服，落单阿姐态度亦好好。Menu主要有两页，主要都系啲即叫即做嘅家常小炒，心大心细一轮后决定叫三款野食：* 一人套餐($88) - 凉瓜开洋蛋套餐包主菜+汤+菜饭+菜心，价钱我就觉得非常合理，味道亦相当唔错！例汤一啲味精都冇，好足料，亦唔会出现唔够热嘅情况；凉瓜开洋蛋嘅蛋香好正，个蛋煮到有轻微老身再配肉碎同凉瓜成件事个口感送饭一流👍🏻 个菜心份量亦唔细，基本上一个人食真系够晒饱😬* 鲜虾云吞 ($34)楼面姐姐推介餐厅嘅云吞同水饺，我自己本身都好钟意食不过觉得市面上冇乜边间真系好食 (麦X记一向垃圾，X仔记亦都退步哂)，决定试吓碗净云吞，又真系几得㖞！冇味精+虾够爽+皮够滑👍🏻 所以即刻order三打生云吞拎走比屋企人试吓😌* 南乳香酥鸡球 ($38)南乳味适中，唔会太浓，炸粉亦唔会太多，鸡件够滑，睇得出厨师控制个火候技巧唔错，食完亦唔会觉得超级颈渴！言谈间先知道呢间餐厅原来已经开咗好多年，最近重新装修，家庭式经营，喺现今香港
餐厅装修简洁，麻雀虽小但都算坐得舒服，落单阿姐态度亦好好。Menu主要有两页，主要都系啲即叫即做嘅家常小炒，心大心细一轮后决定叫三款野食：
* 一人套餐($88) - 凉瓜开洋蛋
套餐包主菜+汤+菜饭+菜心，价钱我就觉得非常合理，味道亦相当唔错！例汤一啲味精都冇，好足料，亦唔会出现唔够热嘅情况；凉瓜开洋蛋嘅蛋香好正，个蛋煮到有轻微老身再配肉碎同凉瓜成件事个口感送饭一流👍🏻 个菜心份量亦唔细，基本上一个人食真系够晒饱😬
* 鲜虾云吞 ($34)
楼面姐姐推介餐厅嘅云吞同水饺，我自己本身都好钟意食不过觉得市面上冇乜边间真系好食 (麦X记一向垃圾，X仔记亦都退步哂)，决定试吓碗净云吞，又真系几得㖞！冇味精+虾够爽+皮够滑👍🏻 所以即刻order三打生云吞拎走比屋企人试吓😌
* 南乳香酥鸡球 ($38)
南乳味适中，唔会太浓，炸粉亦唔会太多，鸡件够滑，睇得出厨师控制个火候技巧唔错，食完亦唔会觉得超级颈渴！
言谈间先知道呢间餐厅原来已经开咗好多年，最近重新装修，家庭式经营，喺现今香港呢个营商环境下小店仲能够生存著实唔容易，下次经开附近一定会再嚟支持👏
张贴
