焱一

营业中

休息中

系大潮流下，人人北上深圳吃喝，我就反其道而行，多左留港消费，尤其捐窿捐罅揾D值得撑的小店。今次呢间居酒屋系住鲗鱼涌同事极力推介，话开左无耐的小店。店入面，座位唔多，大约20个左右，但坐得舒服，好岩饮下酒，倾下计。因为第一次黎，就问下店员有咩好推介，店员都好细心咁推介左几款，另外，都强调全部系由一个20多年日本师傅主理。印象入面，日本人做任何事都好认真，令到我对呢一餐好期待同对食高左标准。串烧叫左：芝士帆立贝、秋葵虾胶、鲜冬菇、白磨菇、自家制免治鸡肉棒、鸡冠、开边鸡翼。全部串烧都烧到烚到好处，唔会干身，好好味。尤其蔬菜串烧烧完之后，食落去除左除左本身应有蔬菜味，仲系好Juicy。另外，出于好奇心叫左鸡冠试下， 食落去出奇地系小小烟靭同弹牙感觉。而开边鸡翼，烧到岩岩好，唔会干身，皮脆肉嫩。而一品料理炸物就叫左荧光鱿鱼、烧芝士年糕、吉列炸虾饼、脆辣炸芝士。脆辣炸芝士配上日本师傅特制的酱汁，食落芝士有小小流心，会夹杂微微辣感，口感都几特别。烧芝士年糕口感软熟好惹味。荧光鱿鱼口感爽脆，鲜甜带有海水味，最后叫左个豚骨浓汤乌冬，汤底够浓，豚骨够油香，乌冬烟韧。当晚成餐食得开心，同真系好好味，而店员周