一碗小麵

营业中

休息中

今日过黎红磡做野，黎到呢间小店到食饭，呢到既铺位虽然细，但系非常善用空间，都坐到成15个人架。我地2个人一人叫左一个面，再加多左个小食SHARE。呢间舖头主打传统重庆麻辣，可能因为系小店，所以选择唔太多，唔食牛肉既我当然又少左唔少选择。最后我叫左杂酱面，而朋友叫左招牌猪手肥肠面，之后再叫左个红油抄手一齐share，小店亦都好细心，为左客人辣得起，枱上面有任斟既菊花水，可以冲一冲淡d辣味。招牌猪手肥肠面: 汤底非常好味好浓郁，仲有好多花椒八角，好香，仲越食越辣咁。上海面幼身得黎仲煮得刚刚好，至于猪手焖都好淋好入味，好松软，一D雪味都无。杂酱面:  杂酱面主要系以杂酱同汤底为主，汤料同猪手肥肠面系一样既，会令人有越食会越上隐既感觉。 不过肉碎份量比较少，加多少少会好D。面里面有条菜，浸过辣汤之后非常入味，如果有多条就好啦。红油抄手: 四川云吞称为抄手，方型云吞皮内包有猪肉同白菜馅，再淋上自家制既辣酱同辣汁，再系上面洒上葱花。云吞大小适中，配埋红油，好好味。