樂融雅敘 (已結業)

几年前已经知道呢度系一间社会企业，位于体育馆内，位置唔算难揾，沿住歌和老街公园行上黎就系。今日主要入黎饮杯嘢，食少少轻食就算。柠檬雪碧（$16，后），奶茶红豆冰（$26，前）柠檬雪碧冇乜嘢好评价啦，反而想提下呢杯奶茶红豆冰，茶味浓、红豆又煲得够淋，而且奶茶本身唔系好甜，红豆可以混和奶茶嘅味道，唔错。虾多士（4件，$30）虾多士细细件，一口一件，但老实讲略嫌油腻，两个人分就刚刚好，一个人食会几油。论食物质素呢度算中等质素，不过黎得呢度，除左贪佢人少少坐得舒服外，支持一下社会企业都唔错。