籽樂廚房 (已結業)

呢间社企餐厅坐落系佐敦，装修都几精致，几有情调。不过更重要系呢间餐厅有请弱听同聋哑人士做侍应，等大家知道佢地都有自力更生既能力，同埋只要大家抱住开放包容既心，其实佢地既缺陷系绝对唔会阻碍到大家既沟通互动。讲返今次食咩先。我叫左个set dinner，前菜系法式蒜蓉包，蒜蓉味非常突出，个包都好香脆。个餐汤系姜汁南瓜汤黎，有少少姜味既南瓜汤饮落原来系几醒神开胃。跟住有得原来有得拣沙律。我拣咗烟三文鱼田园沙律配柚子沙律酱，其实入面应该有少少醋，中和返咸咸地既烟三文鱼。个沙律份量都算大，几抵食。主菜方面叫左去骨鸡脾肉配芝士忌廉螺丝粉。其实姐系鸡扒肉黎。脆香鸡扒配埋邪恶既香浓芝士忌廉真系无得顶。d芝士多到仲可以拉丝添。饮品方面我叫左壶有机洋甘菊茶，有得refill 架。甜品方面我拣左朱古力brownies。朱古力味浓郁，食落感觉好实在，无偷工减料。