一素食譜

营业中

休息中

东广场内食肆选择多，丰俭由人。我每周一都会选择帮衬素食谱，肠胃负担轻松啲又健康啲。几乎每次都会选择三𩠌车仔面，可以选择汤底（冬阴功加6蚊），面底（菠菜面，太阳面，淮山面等），同十几款𩠌菜。份量唔算多，细食女仔应该啱啱好。车仔面普通汤底你味噌汤，相当唔错，唔会有太浓豆涩味，亦唔会太咸，通常一上菜我都会先饮一啖汤，润润喉。面我通常拣菠菜面，见到舖头嘅淮山面选用寿桃牌，下次可以一试。𩠌菜方面我十分推荐紫豆卷，刚上菜时，有少少脆，豆皮包裹住紫菜，十分香口；浸透咗汤汁嘅时候口感亦十分饱满浓郁。至于其他𩠌菜，我会随机选择莲藕，秋葵，萝卜等等，味道正常，唯独有时每件份量切得太大，唔方便食用。午餐仲有其他饭餐选择，素叉烧南瓜饭，五行饭等等，味道都唔错，仲包埋一碗热汤，比较饱肚。整体来讲，小店质素唔错，如果想食得清新，不妨一试。