逗點

营业中

休息中

联和墟食肆林立，中韩日越泰台，款式应有尽有，我个人性格钟意试新餐厅同偶尔食唔同类型菜式，所以逗点新开张无耐已经去试。好记得第一次试就系吉列猪扒饭配麻辣汁，份量、味道、酱汁我都好钟意，之后就去食埋其他套餐，好快已经试完佢所有套餐，不过佢哋不断进步开业一年多就多咗虾、牛腩、叉烧、依家连鳗鱼都有，真系几惊喜。逗点除咗套餐外，佢哋嘅炸物同样出色，有次同囝囝搞生日派对，外卖叫咗鱿鱼须、吐司、蟹肉忌廉同紫薯甘粟薯饼，朋友都话好好食。当然一间餐厅食物质素外，态度都好重要。每次去两位老板都好好礼貌，好有人情味，记得生日派对电话落单，但我误以为小食会包一杯饮品，直至去取外卖，先惊觉系+$20转套餐先有饮品，最后老板好好免咗十几杯嘢饮。直到今日热屎辣辣，食返吉猪，水准保持到，仲送我一杯甜品，完全感受到人情味，所以非常推荐大家支持小店！