影片
更多
2014-05-26
1126 浏览
作为一个土生土长嘅香港人，支持街坊式食肆是常识吧其实我自己本身都比较钟意去非连锁式嘅餐厅、茶记～～就好似西湾河太安楼咁，里面绝大部份嘅店都系普通市民自己一手一脚开嘅其中有好几家店仲系我嘅由细（十几岁）就钟意去嘅添！今次要介绍嘅店，系一家由一个家三口开嘅寿司店～虽然舖头位置唔显眼、店舖面积非常小，不过食物嘅品质就有保证！其实本来仲有个猪软骨饭，不过因为太饿唔记得咗影....如果要食饭，呢间嘅猪软骨真系试得过！ 个人认为比起出面嘅连锁店，佢做得更有心（好多倍）：啲猪软骨真系煮到入口即溶、个汁浓而不腻而且咸淡适中！之后就到我好几个月无食嘅剌身～～今次叫咗个大嘅杂锦剌身拼盘：三文鱼、吞拿鱼、剑鱼腩、八爪鱼、立鱼、甜虾仲有海胆！所有食材都俾到你「好新鲜」嘅感觉，尤其系如果海胆一唔新鲜真系会好难食～另外一样必食就系剑鱼腩～个人最钟意佢入口时嘅果种油甘，鱼油满布口腔内，正！ 之后就轮到寿司出场！第一轮有池鱼、醋青鱼、希灵鱼咁啱三样都响同一碟，又咁啱除咗「新鲜」之外都无乜评语（因为无乜特别）不过三样当中我比较钟意醋青鱼 火炙三文鱼腩、蟹籽我由细到大都好钟意食蟹籽～可能因为觉得佢响嘴里面「卜卜」咁
其实我自己本身都比较钟意去非连锁式嘅餐厅、茶记～～
就好似西湾河太安楼咁，里面绝大部份嘅店都系普通市民自己一手一脚开嘅
其中有好几家店仲系我嘅由细（十几岁）就钟意去嘅添！
今次要介绍嘅店，系一家由一个家三口开嘅寿司店～
虽然舖头位置唔显眼、店舖面积非常小，不过食物嘅品质就有保证！
其实本来仲有个猪软骨饭，不过因为太饿唔记得咗影....
如果要食饭，呢间嘅猪软骨真系试得过！
个人认为比起出面嘅连锁店，佢做得更有心（好多倍）：
啲猪软骨真系煮到入口即溶、个汁浓而不腻而且咸淡适中！
之后就到我好几个月无食嘅剌身～～今次叫咗个大嘅杂锦剌身拼盘：三文鱼、吞拿鱼、剑鱼腩、八爪鱼、立鱼、甜虾仲有海胆！
所有食材都俾到你「好新鲜」嘅感觉，尤其系如果海胆一唔新鲜真系会好难食～
另外一样必食就系剑鱼腩～个人最钟意佢入口时嘅果种油甘，鱼油满布口腔内，正！
之后就轮到寿司出场！第一轮有池鱼、醋青鱼、希灵鱼
咁啱三样都响同一碟，又咁啱除咗「新鲜」之外都无乜评语（因为无乜特别）
不过三样当中我比较钟意醋青鱼
火炙三文鱼腩、蟹籽我由细到大都好钟意食蟹籽～可能因为觉得佢响嘴里面「卜卜」咁好得意？
其实通常食蟹籽寿司都唔会太「危险」，因为蟹籽都可以难食嘅话果间店执硬啦？
所以蟹籽方面就唔多讲，今次系讲佢嘅紫菜～
无论系手卷定军舰，紫菜都系好影响「生死」嘅关键所在！
今次试寿司屋嘅蟹籽军舰，果然无令我失望！（如果系到咗之后好耐先食就唔好怪人啦～）
虽然对我而言佢唔系要俾「必食」、「推介」嘅地步，不过佢嘅用料真系一啲都唔马虎！
泥到之后好快我就放入口，个紫菜仲系脆嘅～唔似啲连锁店咁好似受咗潮咁....
另外，蟹籽份量好足，出面好难食到咁多料嘅军舰～～
而个火炙三文鱼腩就值得一试再试啦！
寿司屋本身用料靓同新鲜，所以佢嘅食物已经有一定嘅保证
不过火炙就好靠个鱼够唔够肥美～因为火炙能够令鱼油溶入寿司饭里面，令成件寿司「升呢」！
寿司屋嘅鱼腩够哂肥，而且火炙得刚刚好，所以食完会好想食多件 肥死我XD
赤贝刺身本身我都好钟意食赤贝，不过你知啦～贝类一唔新鲜就可以好难食
海产一唔新鲜，鱼腥味重、口感都会好差，有啲甚至会臭添！
所以唔系间间有赤贝食嘅我都会食....
不过寿司屋其他嘢都好新鲜，所以今次就特登叫泥试试～
ＷＯＯ～～好好食！虽然佢应该唔系新鲜原只切嘅，不过「保存」得好所以仲好鲜甜～
左口鱼、象拔蚌、黄金鱿鱼食完觉得唔系好够，所以就再叫多咗三款寿司
左口鱼系老板娘推介嘅，够哂肥美，入口又系满满嘅香滑鱼油～～ 值得一试！
但系象拔蚌我就唔多钟意啦....唔知应该点形容，但觉得唔多好食....
而黄金鱿鱼就好好食～ 大家都可以试吓！比较起连锁店，实在好太多了～～
相信泥得呢间店嘅好多都系街坊，所以寿司屋嘅价钱并无订得好贵
对我哋呢啲又大食又为食嘅人而言，呢度可以话系天堂 XD
因为响香港，你好难可以食到高质素而价钱好合理嘅「日本嘢」
当晚仲见到有外国人泥食，「小店长」好认真咁帮佢哋落单....人情味爆哂灯！
张贴
