茶木‧台式休閒餐廳 (創紀之城五期(apm))

营业中

休息中

上菜时问侍应拎张纸巾，应咗句「哦纸巾呀」就行开咗，到食完饭张纸巾都冇出现过。呢个情况喺呢间分店已经唔系第一次，上一次谂住系侍应太忙唔记得咗，今次第二次都系咁，好明显系餐厅指示唔畀佢哋派纸巾畀客，明明两三个月前食过都肯畀纸巾。其实一张纸巾好小事，但你收加一，坐低水又冇杯，纸巾问出声都冇，仲系QR code落单，然后自己行出收银埋单，服务嚟讲仲差过茶记，茶记起码有杯滚水又冇加一，真系唔知佢个加一服务费除咗上菜仲服务咗啲咩。以前茶木摆盘食物都几精致，即使比一般台式餐厅贵啲都会去食，但近期愈嚟愈求其，午餐啲饭碗好明显本身唔系用嚟装鲁肉饭，比较似汤碗。