Cow Bean (康怡廣場) (已結業)

返工都好忙，冇乜机会食到海鲜同生果，自己一个求求期期就算，今日咁岩问开朋友去康怡广场𠮶边交收，交收完就去咗AEON行吓🙊 喺下面就闻到锯扒嘅味道，就专登循住香味上咗去3楼今日闷闷地一于奖励吓自己，几特别嘅系我见到佢会用生果配搭扒餐🤓又几得意㖞我就试吓食蟹加菠萝配搭嘅扒餐，除咗啲蟹膏好多好正之外，铁板制作嘅菠萝特别鲜甜😋好耐冇食过蟹啦😮‍💨平时咁忙咁攰当然都想会有人服侍下啦，一入门口首先有店员问我堂食定外卖，可能因为我比较夜先收工🫥但系店员见到我咁攰都唔敢怠慢即刻安排入座，坐低就随即俾Menu我，我好快就拣咗蟹配菠萝铁板餐，嘢饮我就冇叫啦，最主要系我饮水就够，keep fit😜座位大概坐左六成人，店员都会同客人倾吓计，知道大家工作辛苦都会问候下，唔错喇～到我埋单店长友善咁同我讲下次见，其实好多餐厅都少咗呢一种礼貌，但系呢一间餐厅起码比到我宾至如归嘅感觉😬下次一定会再帮衬㗎～