極尚大喜屋 (鱷魚恤中心)

营业中

休息中

大喜屋集团有好多分店，港九新界都有，今次去咗观塘嘅极尚大喜屋，位置好方便，地铁站一出就系完全唔洗经过露天。饮品十分多选择，唔止冻饮仲有热饮柜，最signature就系有sake同梅酒任饮，啱哂酒鬼。自助区有几款炸物、是日例汤、几款冷盘同生果，仲有冻虾同冻蚬，质素都唔错。刺身寿司卷物都好多选择，三文鱼刺身劲厚切，赤虾都好大条，够哂新鲜。热食推介串烧牛舌、西京烧比目鱼同烧翠玉瓜牛舌唔会韧，薄切得黎肉味浓，吱埋柠檬汁就perfect 比目鱼份量完全唔孤寒，烧得啱啱好，鱼肉仲十分嫩滑烧翠玉瓜估佢唔到咁好食，烧到入面好juicy。雪糕有好多款 有本土牌子雀巢，又有唔少韩国雪条，最惊喜系竟然有da dolce ，当日净系得朱古力味 但系朱古力十分浓郁 好值得留返少少quota食佢。